[admin_superstan]

«Супер сулуу-2016» сынагы старт алды.
Сынактын алгачкы катышуучулары менен таанышып, добуш бериңиз. Бали аралына барчу сулууну чогуу тандайлы.
«СУПЕР СУЛУУ» БОЛ!
«Супер-Инфо» кезектеги 7-жолку «Супер сулуу» сынагынын старт алганын маалымдайт. Андыктан өзүнө ишенген, келбети келишкен сулуу бийкечтерди сынакка катышууга чакырабыз. Урматтуу сулуулар, эгер сиз Бали аралына барып эс алып келүүнү кыялданып жүрсөңүз жана бой-келбетиңиз талапка жооп берсе, анда редакцияга кайрылыңыз.
Балким, дал сиз «Супер сулуу» наамына татып, кыялыңыз орундалар. Биз сизди күтөбүз! Сынакка катышууну кааласаңыз, STAR@SUPER.KG электрондук дарегине, 0557756354 номуруна WhatsApp аркылуу сүрөт жөнөтүңүз. Толук маалымат алуу үчүн 0312 323327 номуруна чалыңыздар.
СЫНАКТЫН ШАРТТАРЫ ЖӨНӨКӨЙ
«Супер сулуу» сынагына 1988-жылдан 1998-жылга чейин төрөлгөн, бою 165 сантиметрден жогору, турмушка чыга элек кыздар катыша алышат. Ар аптанын жума күнү гезит бетине экиден катышуучунун сүрөтү жарыяланып, окурмандардын сынына коюлат. Окурмандар кимисин сулуу деп эсептешсе, SUPER.KG порталы аркылуу добуш беришсе болот. Добуш берүү сулуулар гезит бетине чыккан жума күнү саат 9:00дөн баштап кийинки аптанын шаршемби күнү саат 15:00гө чейин жүргүзүлөт. Көп упай чогулткан катышуучу дароо финалга өтмөкчү. 1-турдан утулуп калган бийкечтерге тандоо турунун аягында дагы бир ирет мүмкүнчүлүк берилет.
#СуперСулуу2016 хэштеги аркылуу социалдык тармактардан да кеңири маалымат алсаңыздар болот.

[admin_superstan]

Алтынай Эмильбекова
Жашы – 20
Параметри – 83-61-89
Бою – 169 сантиметр
Салмагы – 50 килограмм
Учурда – Кыргыз-Орус Славян университетинин студенти

Алтынай: "Сынакты жеңишим керек"
– Сени Нурлан Насиптин "Эркелетсемби? " клиби аркылуу тааныйт экенбиз. Сынакка кандай максатта катышып жатасың?
– Буга чейин бир канча сулуулар сынагына катышкам, бирок алардын жыйынтыгы көбүнчө адилетсиз чыгып калчу. “Супер сулуу” сынагын болсо жалпы Кыргызстанга жайылган адилеттүү сынак деп билем. Ошондуктан сынактын баш байгесин жеңиш үчүн катышып жатам.
– Окуудан тышкары эмне менен алектенесиң?
– Учурда бир депутаттын жардамчысы болуп иштейм. Эл аралык байланыш факультетинде окугандыктан, кесибим боюнча иштейин деп чечтим. Азыр аркалап жаткан жумушумдан тажрыйба топтоп жатам.

Добушуңузду берүү үчүн бул жакты басыңыз.

[admin_superstan]

Айжамал Бакытбек кызы
Жашы – 20
Параметри – 83-62-83
Бою – 170 сантиметр
Салмагы – 51 килограмм
Учурда – БГУнун экономика факультетинин
студенти

Айжамал: "Активдүү кызмын"
– Өзүңдү тааныштырып кетсең...
– Мен Бишкекте туулгам, 2 бир тууганмын, сиңдим бар. Атам жеке ишкер, апам англис тил сабагынан мугалим болуп эмгектенет. №93-мектепти бүтүргөм, азыр БГУнун 1-курсунда окуйм.
– Сынакка кимдин сунушу аркылуу катышып жатасың?
– Бир жерде жөн отура албаган активдүү кызмын, КВНге катышам, кечелерде алпаруучу болом. Учурда бий ийримине катышып элдик, заманбап, чыгыш бийлерин өздөштүрүп жатам. Кээде көргөзмөлөргө модель катары катышып жүрөм. Негизи, элдин көңүл чордонунда болгонду
жактырам. Жаштыгымды текке кетирбей өзүмдү ар тармактан сынап көргүм келет.

Добушуңузду берүү үчүн бул жакты басыңыз.

[M89]

Алтынай сулуу корунот экен

[EMA_98]

Конок тайпасындагылар добуш бере албайбы админ?

[LEGENDA.]

"– Буга чейин бир канча сулуулар сынагына катышкам, бирок алардын жыйынтыгы көбүнчө адилетсиз чыгып калчу..."



Женилсе эле куноону калыстарга койгондон окшойт)) Жене турган туру деле жоктойго))))

[Janyla]

Супер инфо катышуучуларга макияжда минимум косметики деген талабыңар жокпу?Эми экинчи кызды карасаңар,ким айтат 20 жашта деп?

[owtu]

Алтынай сулуу экен Н. Насиптин клибинде макияж менен улуу корунду эле мында жакшына корунуптур. Кандай болсо да баардык сулууларга ийгилик!

[aiturgasha]

Кайрат Примбердиев айтканго : " Кыргызстандагы сынактарга катышпайм. Адилеттуулук жок" - деп. Ошол сынары бизде коррупция роль ойноору талашсыз. А мына " суппер сулуу-2016" карапайым элдин добушу менен отуп жатканы учун калыстуу болоору анык.

[admin_portal]

EMA_98 (15 Апрель 2016 - 09:28) жазган:

Конок тайпасындагылар добуш бере албайбы админ?

Саламатсызбы!
Эрежелерге ылайык, КОНОК тайпасындагылардын добуш берүү мүмкүнчүлүгү жок.

[gulkar]

2016-ж Сулуулук сынагына бир жанылоо киргизип коюшса.Боёксуз(без макияжа) катышсын деп.Ошондо чынында Сулуулук сынагы болот эле.

[aqua.94mema]

Туура айтасынар . боексуз эле катышса соонун болмок да анан ушул экоо элеби ?

[ILYAS181296]

Кантип депутаттын жардамчысы болот 20 да болсо, же башкача жардамчыбы. ..

[admin_portal]

aqua.94mema (15 Апрель 2016 - 13:08) жазган:

Туура айтасынар . боексуз эле катышса соонун болмок да анан ушул экоо элеби ?

Саламатсызбы!
Жума сайын экиден катышуучу болот.

[MIRlan]

admin_portal (15 Апрель 2016 - 14:54) жазган:

Саламатсызбы!
Жума сайын экиден катышуучу болот.

Анда өтө эле эрте экен добуш бергенге.

[Gayshiyip_turat]

Айжамалдан чон болсом да,андан алда канча жаш корунот экем,шугур!

[Asema06]

Алтынай сулуу экен.

[admin_portal]

MIRlan (15 Апрель 2016 - 15:02) жазган:

Анда өтө эле эрте экен добуш бергенге.

Саламатсызбы!
Ар бир жумада чыккан сулууларга добуш берсеңиз болот. Жума сайын эки катышуучунун көп добуш алганы кийинки турга өтөт.

[Shirinim345]

Алтынай сулууггоо Айжамал улуураак корунот екен)

[mechta2016]

Алтынайга бермекмин добушумду