[Kitep]

5 жашка чейинки балдар ооруканада жатканы учун акы алынабы.
1.места жок бирок платный палаталар бар дегени мыйзамдуу элеби ?
9 айлык баланы бир буту кыйшык,оспой калыптыр деп Массаж,физиотерапияга жазган акы толош керекпи?

Билдирүүнү түзөткөн: Kitep: 30 Апрель 2016 - 01:51

[admin_superstan]

Kitep (30 Апрель 2016 - 01:51) жазган:

5 жашка чейинки балдар ооруканада жатканы учун акы алынабы.
1.места жок бирок платный палаталар бар дегени мыйзамдуу элеби ?
9 айлык баланы бир буту кыйшык,оспой калыптыр деп Массаж,физиотерапияга жазган акы толош керекпи?

Суроого КРнын Өкмөтүнө караштуу Милдеттүү медициналык касыздандыруу фондунун адиси Айсулуу Төлөгөнова жооп берди:
- Кыргыз Республикасынын Өкмөтүнүн 2015-жылдын 20-ноябрындагы №790-токтому менен Жарандарды медициналык- санитардык жардам менен камсыз кылуу боюнча мамлекеттик кепилдиктер программасы бекитилди. Мамлекеттик кепилдик программасынын алкагында 5 жашка чейинки балдарга лабораториялык жана диагностикалык изилдөөлөр, стационардык дарылануу акысыз. Демек, 5 жашка чейинки балдар ооруканага жатса, дарылануу, операция жасатуу бекер жүргүзүлөт.

Кыргыз Республикасынын Өкмөтүнүн 2015-жылдын 30-ноябрындагы №790-токтому менен Жарандарды медициналык санитардык жардам менен камсыз кылуу боюнча мамлекеттик кепилдиктер программасынын алкагында 1 жашка чейинки балдар физиотерапия дарылоо курсу акысыз жүргүзүлөт. Бирок физиотерапия курсунан өтүп жаткан бала жашаган жерине карата Үй-бүлөлүк дарыгерлер борборунда катталуусу шарт.

Ал эми аталган программада массаж каралган эмес. Ошондуктан дарыгер балага массаж жасагандыгы үчүн акы алуусу мыйзамдуу.