[karakyz23]

Мен анын коздорунон коп нерсени корор элем бирок бир гана нерсени таба алчумун ал анын туболук жазылбаган кусалыгы эле

[Maero]

Учурдагы мага эн жагымдуу болгон созу, Аллахым сизден ыраазы болсун деген созу.

[Nargiz_Lady]

Меерими жалган *мееримдуулордон*чарчадым!

[Y.r_love]

Жашоодо жалгыз калуудан да жаманы: бул- омур бою жакшы корбогон адамын менее жашап отуу

[Dimedra]

Эн туура

[always-here]

Адамдын улуулугун бою аныктабагандай эле, элдин
улуулугун саны аныктабайт.
Виктор ГЮГО.
.
Адамзат эңкейишке аккан дарыя, аны артка агыза
албайсың.
Антуан РИВАРОЛЬ.
.
Адилет соттун кылычында кын жок.
Жозеф МЕСТР.
.
Акча - согуштун кыймылдаткыч күчү.
Марк ЦИЦЕРОН.
.
Акыйкатсыздык өкүм сүргөн жерде - эркиндик жок,
эркиндик жок жерде - акыйкатсыздык өкүм сүрөт.
Иоган ЗЕЙМЕ.
.
Акыйкатчыл адам - бактылуу адам.
Жан Жак РУССО.
.
Акылдуу жана туура саясат жүргүзүш үчүн эл
тааныган аздык кылат, элди сүйө билиш керек.
Артуро ГРАФ.
.
Алы жок акыйкат - бечара, акыйкатсыз кара күч -
зулумдук.
Блез ПАСКАЛЬ.
.
Ар качан өз парз милдетиңди аткарууга ашык, оңунан
чыкпаганын адамзат өзү кечирет.
Томас ДЖЕФФЕРСОН.
.
Ашынган индивидуализм коомго коркунуч туудурат.
Анатоль ФРАНС.
.
Банкир - бул сага күн тийип турганда кол чатыр берип,
күн жаап келгенде кайра алып койгон адам.
Марк ТВЕН.
.
Бүгүнкү бир саатың эртеңки эки саатка тете.
Томас ФУЛЛЕР.
.
Дин жарык чыгарчу коңуздарга окшош: жарык
чыгарыш үчүн аларга караңгылык керек.
Артур ШОПЕНГАУЭР.
.
Жаратты мезгил дарылайт.
МЕНАНДР.
.
Жеке кызыкчылык коомдун кызыкчылыгынан кийин
туруш керек.
Кенже ПЛИНИЙ.
.
Идеалы жок эркиндиктин зыяны көп.
Артуро ГРАФ.
.
Капастагы канаттуу - канатынан ажыраган жандык.
Генри БИЧЕР.
.
Капаста булбул сайрабайт.
Томас ФУЛЛЕР.
.
Кедейди кемсинткенден артык айбанчылык жок.
Шарль НОДЬЕ.
.
Кедейлер акыйкатты издеп жүрүшсө, байлар
акыйкаттан качып жүрүшөт.
Бертольд БРЕХТ.
.
Көзү ачыктар эмнени айтышпасын, баары бир декабрь
менен жыл бүтөт.
Лопе де ВЕГА.
.
Куугунтук жеп, ыдык көргөн чындыкты дайыма
коргош керек.
Ральф ЭМЕРСОН.
.
Күн ак сарайга да, кепеге да текши тийет.
Уильям ШЕКСПИР.
.
Мамлекеттик ишмердин жүрөгү башында болушу
керек.
НАПОЛЕОН I.
.
Мамлекеттик ишмер чындыкты айтышы керек.
Унчукпаганы - алдаганы.
Сен-Жон - ПЕРС.
.
Мансап сүйгөн адамдан акыйкатты күтпө.
Вашингтон ОЛСТОН.
.
Мезгил өзгөрүлөт, биз да өзгөрүлөбүз.
Квинт ГОРАЦИЙ.
.
Мезгил өтпөйт, биз өтөбүз.
Пьер РОНСАР.
.
Менин кул да, кожоюн да болгум келбейт.
Демократияны мен ушундайча түшүнөм.
Авраам ЛИНКОЛЬН.
.
Министрлерди тез-тез которгон жаман, бирок, жаман
министрлер ордунда калышса - андан бетер жаман.
Пеле де ла ЛОЗЕР.
.
Өзүңө эркиндик каалагың келсе, аны бирөөгө ыраа
көр.
Симона де БОВУАР.
.
Президенттин далдаасында дайыма бирөөлөр жүрөт,
алардын кимдер экенин билиш үчүн көрүнөөгө
чыгарыш керек.
Кин ХАББАРД.
.
Саясат - бул билим эмес, искусство.
Отто БИСМАРК.
.
Түбөлүктүү дос да жок, түбөлүктүү кас да жок,
кызыкчылыктар гана бар.
Отто БИСМАРК.
.
Тынчтыкты кааласаң - ага кара жаныңды карч уруп,
өмүрүңдүн ар бир күнүн арна, ар бир күнүңдүн ар бир
саатын арна.
Арнольд ЦВЕЙТ.
.
Убакыт - улуу мугалим.
Эдмунд БЁРК.
.
Чынчылдык - чыныгы күч, аны митаамдар гана
түшүнүшпөйт.
Артуро ГРАФ.
.
Шайы ооздук - бары бир ооздук.
Колли СИББЕР.
.
Эгерде Кудай теңчиликти сүйсө, жакшы адамдарга
жакшылыкты, жаман адамдарга - жаманчылыкты
ыйгарбайбы. Бирок таптакыр андай эмес.
Квинт ЭННИЙ.
.
Эгерде "меники" , "сеники" деген түшүнүктөр жок
болсо, жер жүзүндө санжыргалуу бейпилчилик орнойт
эле.
Генри ФИЛДИНГ.
.
Эки гана нерсе адамга Кудай тариздүү касиет берет:
коомдун жыргалчылыгы үчүн жашоо жана
чынчылдык.
ПИФАГОР.
.
Элге цивилизациядан акыйкат артык.
Пьетро КОЛЛЕТТА.
.
Элди кээде алдаса болот, бирок сатып алуу мүмкүн
эмес.
Жан Жак РУССО.
.
Эркиндик менен ден соолук окшош: алардан
ажыраганда гана "аттиң! " дейсиң.
Анри БЕК.
.
Эркиндиктин дарагы кез-кез патриоттор менен
тирандардын канына сугарылып турушу керек. Бул -
ал үчүн табигый азык зат.
Томас ДЖЕФФЕРСОН.

[always-here]

Акын менен сүрөткердин мейкини чексиз.
Виктор ГЮГО.
.
Адамдын акылдуулугу берген жообунан эмес, берген
суроосунан билинет.
Гостон де ЛЕВИС.
.
Бар мүмкүнчүлүгүн жумшап, бирок жеңишке
жетпегенди айыпташ - бекер.
Джордж ВАШИНГТОН.
.
Келесоолор жазганды келесоолор окуйт.
Марк ТВЕН.
..
Келесоолор - өз жаңылыштыгынан, акылдуулар -
өңгөлөрдүн жаңылыштыгынан таалим алат.
Отто БИСМАРК.
..
Ушакка унчукпасаң - өзү эле жаагы жап болот.
Публий ТАЦИТ.
.
Чындыктан коркпогон адам - калптан да коркпойт.
Томас ДЖЕФФЕРСОН.
..
Эгер сен бактысыз болсоң - аныңды окурманыңа
айтпа.
Исидор ЛОТРЕАМОН.
..
Эгерде китепте жазылгандардын сексен гана
проценти чындык болсо, ал китеп жүз процент
жалганчы.
Жак РОСТАН.
.
Эң коркунучтуу калп - бурмалап айтылган чындык.
Георг ЛИХТЕНБЕРГ.
.

[always-here]

Адамды жалаң гана аткарган ишинен эмес,
умтулуусунан да баалаш керек.
ДЕМОКРИТ.
.
Адамды өлтүрүүгө болот, бирок, жеңүүгө болбойт.
Эрнест ХЕМИНГУЭЙ.
.
Акылдуу адам - кечиримдүү.
Адам МИЦКЕВИЧ.
.
Ар адамдын жүрөгүндө өз элинин кичинекей сүрөтү
жүрөт.
Густав ФРЕЙТАГ.
.
Ата болуш - оңой. Атанын милдетин аткарыш кыйын.
Вильгельм БУШ.
.
... баатырлардын өлүмү Күн баткандай.
Карл МАРКС.
..
Байлыгың - досуң эмес, досуң - байлыгың.
Иоанн СТОБЕЙ.
.
Балдарыңдан күткөн мамилени ата-энеңе өзүң жаса.
Джакомо ЛЕОПАРДИ.
.
Бийликке жеткен досуңдан ажырадым дей бер.
Генри АДАМС.
..
Душмандан арылыш үчүн - аларды дос кылып тын.
ГЕНРИХ IV
.
Жаман дос - душмандын мыктысы.
Жан Батист МОЛЬЕР.
..
Жек көрүүнү жашырса болот, сүйүүнү жашырса болот,
асты көңүл коштукту жашырыш кыйын.
Карл БЁРНЕ.
.
Жүз мугалимден жалгыз ата артык.
Джордж ГЕРБЕРТ.
Жүздүн кызарганы - адам баласындагы касиеттердин
эң мыктысы.
Чальз ДАРВИН.
Жыргап уктайм десең - төшөккө таза абийириң менен
жат.
Бенджамин ФРАНКЛИН.
.
Калптын канчалык пайдалуу экенин аялдар менен
врачтар гана билет.
Анатоль ФРАНС.

[always-here]

Карт дарак жакшы күйөт, картаң аттын жүрүшү тынч,
эски китепти окуган кызык, эски шарапты ичсең -
жагымдуу, эски досторуң - ишенимдүү.
Леонард РАЙТ.
.
Качкан душманга алтын көпүрө сал.
Публий СЦИПИОН.
.
Ким аз ойлонсо - көп жаңылат.
Леонардо да ВИНЧИ.
.
Ким убада берсе - ал карыздар.
Фридрих ГАГЕДОРН.
.
Көп адамга бакыт тартуулаган адам - бактылуу.
Дени ДИДРО.
.
Курман болгондорго эңкейген адам - бардыгынан
бийик.
Роберт ИНГЕРСОЛЛ.
.
Мен адаммын. Адамдагы бардык касиет мага жат
эмес.
Публий ТЕРЕНЦИЙ.
.
Нан, тузсуз жашоо жок,
Ата журтсуз жашоо жок.
Виктор ГЮГО.
.
Начар досуң болгуча, начар душманың болсун.
Генри ШОУ.
.
Өз абийириңдин алдында таза бол, эл эмне десе ошо
десин.
Мигель де СЕРВАНТЕС.
.
Өзгөнүкүнө көз арткан - өзүнүкүнөн ажырайт.
ФЕДР.
.
Өз ишенимин коргой алган - мыкты жоокер.
Александр ГУЛБОЛЬДТ.
.
Өзүн сүйгөн - өңгөлөрдү жек көрөт.
Фелисите ЛАМЕННЕ.
.
Өзүңдү өтө сүйсөң - өзүңө өзүң душмансың.
Эбнер - ЭШЕНБАХ.
.
Өңгөлөр сени сүйбөсө да, кадырлоого тийиш.
Бернар ФОНТЕНЕЛЬ.
.
Соргоктун өзүн тойгузсаң да, көзүн тойгуза албайсың.
Уильям КЭМДЕН.
.
Топугу жок бай - кедейдин кедейи.
Эразм РОТТЕРДАМСКИЙ.
.
Чоң жакшылык үчүн кичинекей да жамандык жасаба.
Блез ПАСКАЛЬ.
..
Эне тилиң менен Ата журтуңдун кадырын чет жерден
билесиң.
Густав ФРЕЙТАГ.

[always-here]

Азга ыраазы болбогон - көптөн ажырайт.
МЕНАНДР.
.
Айтар эчтемеси жоктордун сөздөрү - маанисиз.
ВОЛЬТЕР.
..
Акчадан башка эч нерсеси жок адам - бечара.
Артуро ГРАФ.
.
Акылдуу ой жүгүртүп, акылсыз иш жасагандар аз
эмес.
Анатоль ФРАНС.
.

Аялды сүйлөткөнгө миң амал бар, бирок, оозун
тыйганга бир да амал жок.
Гийом де БУШЕ.
.
Баарын мактаган адам - бир адамдын да кадырына
жете албайт.
Самюэл ДЖОНСОН.
.
Баарын мактаган адамга - ишенбе.
Джон КОЛЛИНЗ.
.
Байлык деген - деңиз суусундай, ичкен сайын суусунуң
канбайт.
Артур ШОПЕНГАУЭР.
.
Билген жасайт, жасай албаган - үйрөтөт.
Бернард ШОУ.
.
Бирөөгө сылык ийилип жатып, бирөөгө аркабызды
салабыз.
Иоганн ГАМАН.
.
Душмандан да өрнөк ал.
ОВИДИЙ.
.
Жамандыкты көргөн адам - унутат, жамандыкты
жасаган адам - унутпайт.
Анри МАРЕ.
..
Жер үстүндө алдамчыларга караганда аңкоолор көп,
андай болбосо, алдамчылар кантип күн көрөт?
Сэмюэл БАТЛЕР.
.
Жоокерлер кармашта эмес, качканда көп кырылат.
Сельма ЛАГЕРЛЁФ.
Жүздөгөн кой чогулуп, бир карышкырча жок.
Иоганн ГЁТЕ.
.
Коммерсанттын Мекени - анын чөнтөгү.
Шарль ШЕНШОЛЬ.
.
Көзү туруп көрө билбеген адам - даана сокур.
Джонатан СВИФТ.
.
Кээ бир адамдар ойлонбой туруп иш жасайт, кээ
бирөөлөр - ойлонот, бирок, ищти жасабайт.
Николо ФОСКОЛО.
.
Кээ бир кишилерди жакшылык кылгандыгы үчүн эмес,
жамандык кылбагандыгы үчүн сыйлаш керек.
Клод ГЕЛЬВЕЦИЙ.
.
Мактоону ким сүйбөйм десе - ал аны дайыма уккусу
келген адам.
Франсуа де ЛАРОШФУКО.
..
Сүйлөй албасаң - укканды үйрөн.
Марцелл ПОМПОНИЙ.
.
Тез жыйнаган дүнүйө - тез жоголот.
Шарлотта БРОНТЕ.
.
Ширин сүйлөнгөн сөздө уу да болот.
Публилий СИР.
..
Адам баласы жарыкта - караңгыны, кубанычта -
кайгыны, токчулукта - жокчулукту ойлонбойт. Бирок,
караңгыда - жарыкты, кайгыда - кубанычты,
жокчулукта - токчулукту дайыма ойлойт.
Иммануил КАНТ.
.
Аялдар кызганычты кечирет, бирок кызганычсыз
сүйүүнү кечирбейт.
Поль Жан ТУЛЕ.
.
Аялдыкы туура эмес болсо, биринчи иретте, андан
кечирим сураш керек.
Франсис де КРУАССЕ.
.
Баарына жагам десең - бирине да жакпайсың.
Артуро ГРАФ.
.
Бактылуу өмүр жок, бактылуу күндөр гана болот.
Андре ТЕРЬЕ.
.
Бакыт кайдан жараларын айтыш кыйын. Буга байлык
да, кедейлик да себеп боло албайт.
Кин ХАББАРД.
.
Бакытка маарыган адам - акылынан ажырайт.
Публилий СИР.
.
Бирөөнүн бактысы бирөөгө ополтоодой сезилет.
Шарль Луи МОНТЕСКЬЕ.
.
Дени соо адам - табияттын асыл баа чыгармасы.
Томас КАРЛЕЙЛЬ.
.
Дени соо кайырчы - оорулуу падышадан бактылуу.
Артур ШОПЕНГАУЭР.
.
Жакшы күйөө балага жолуксаң - уулдуу болдуң, жаман
күйөө балага жолуксаң - кызыңан ажырадың.
ДЕМОКРИТ.
.
Жек көрүүнүн да чеги болуш керек.
НАПОЛЕОН I.
.
Жүрөккө бырыш түшпөйт, тырык түшөт.
Габриэль КОЛЕТТ.
.
Канчалык кары болсоң да - бир жыл өмүр сүрө
аласың, канчалык жаш болсоң да - ажалдан кача
албайсың.
Фернандо де РОХАС.
.
Кечириш оңой, бирок, унутуш кыйын.
Август ПЛАТЕН.
.
Кеч төрөлгөн балдар - эрте жетимдер.
Бенджамин ФРАНКЛИН.
.
Көз көрбөгөндү жүрөк самабайт.
Мигель де СЕРВАНТЕС.
.
Оору - миң, ден соолук - жалгыз.
Людвиг БЕРНЕ.
.
Өмүрдү узартуунун башкы сыры - аны кыскартпаганга
аракет жасоо.
Эрнест фон ФЕЙХТЕРСЛЕБЕН.
Өмүр - өтө кыска нерсе, кыйналып жашаганда гана
убакыт өтпөгөндөй сезилет.
Публилий СИР.
Сүйүүдө даанышмандык жок.
Франсис БЭКОН.
Сүйүүнүн көз айнеги жезди алтын кылып көрсөтөт.
Мигель де СЕРВАНТЕС.
Сүйүүсүз эрди-катын - закондошкон ойноштук.
Андре МОРУА.
Сүйүү унчукпай келип, унчукпай кетет.
Ромен РОЛЛАН.
Тамак ичиш үчүн жашабай, жашаш үчүн тамак ич.
СОКРАТ.

[always-here]

Үч нерсе кайра кайрылбайт: атылган ок, айтылган сөз,
өткөн күндөр.
Георг ДАУМЕР.
..
Абийирдүү жигитке -
Ажалдуу кийик жолугат.
.
Аздын азанчысы болгуча,
Көптүн казанчысы бол.
.
Айдын жарыгында жүргөнчө,
Күндүн көлөкөсүндө жүр.
.
Айыл башы болгуча,
Суу башы бол.
.
Акылдуу отко карайт,
Акмат казанга карайт.
.
Акыркы төөнүн жүгү оор.
.
Алган эри жарашса,
Кара катын ак болот.
Баккан ээси жарашса,
Күйпүл күчүк сак болот.
.
Алыстан арабалаганча,
Жакындан дорболо.
.
Арстандай күчүң болсо,
Түлкүдөй куулукту үйрөн.
.
Атан төө мас болсо,
Тайлак менен дос болот.
.
Ат башына күн түшсө,
Ооздугу менен суу ичет.
Эр башына күн түшсө,
Өтүгү менен суу кечет.
.
Ачтын - тогу,
Арыктын - семизи бар.
.
Бакылдаган текени
Суу кечкенде көрөбүз.
Такылдаган келинди
Үй чечкенде көрөбүз.
.
Башка түшсө -
Байтал жорго болот.
.
Бүткөн ишке - сынчы көп.
.
Дөөлөт басса - ат басат,
Мээнет басса - бит басат.
.
Дыйкан өгүздөй күчүн берсе,
Жер инектей сүтүн берет.
.
Жакшы абысыныңа баргыча,
Жаман сандыгыңды аңтар.
.
Иши алга кеткендин -
Ити чөп жейт.
.
Иши керине кеткендин -
Келини ууру кылат.
.
Каман өлсө - тиши калат,
Адам өлсө - иши калат.
.
Келген жериңден
Кеткен жериң аруу болсун.
.
Келин жаман эмес,
Келген жери жаман.
.
Көйнөкчөндү чапсаң,
Чапанчанга доо кетет.
.
Көмүрчүгө - темирчи үйүр.
.
Көп сөз - көмүр,
Аз сөз - алтын.
.
Абышка өлсө - ат бошойт,
Кемпир өлсө - төр бошойт.
.
Адам ашка тойсо да,
Жашка тойбойт.
.
Ажыдаардын куйругун баспай,
Башын бас.
.
Айгыры - ала болсо,
Кулуну - кула болот.
.
Айран ичкен - кутулат,
Челегин жалаган - тутулат.
Айран сураган -
Аягын жашырбайт.
.
Айт да болор,
Айттын эртеси да болор.
.
Айыгар дарттын дабасы -
Өзү табылат.
.
Алты катын азага барса,
Ар кими өз муңун айтат.
.
Артыкча дүңгүрөгөн -
Акырында мүңгүрөйт.
.
Атадан алтоо болсо да,
Ар жалгыздык башта бар.
.
Атасы өлгөн - уктайт,
Ач жаткан - уктабайт.
.
Ат жашарып - кунан болбойт,
Эр жашарып - улан болбойт.
.
«Ат кечкен суу», - деп,
Аюу ичет.
«Кой кечкен суу», - деп,
Бөрү ичет.
.
Ат оонаган жерде - түк калат.
Айран төгүлгөн жерде - жук калат.
.
Атты көрсө - бут талыйт.
.
Аш койгонго - аш кой,
Таш койгонго - таш кой.
.
Байдыкы - барман менен,
Кедейдики - дарман менен.
Байлык - не дедирбейт,
Жоктук - не жедирбейт.
.
Бай мактанса - табылар,
Жок мактанса - чабылар.
Баймын деп, мактанба,
Жокмун деп, суктанба.
.
Бейиштин ашын көрмөк бар,
Жемек жок.
.
Берген - март эмес,
Алган - март.
.
Берип, берен болгуча,
Бербей - сараң бол.
Бирге жүрмөк бар,
Бирге өлмөк жок.
.
Бирөө жете албай жүрсө,
Бирөө кете албай жүрөт.
Бирөөнүн жамандыгын тилегенче,
Өзүңдүн амандыгыңды тиле.
Бирөөнүн үйүн чечмек бар,
Тикмек жок.
.
Биттүү конок - жатпайт,
Иттүү конок - батпайт.
Болор кулун - желеде жулкунат,
Болор бала - бешикте жулкунат.
.
Бөдөнөнүн жатагын көр да,
Этине таарын.
Бөрү арыгын билгизбей,
Итке жүнүн үрпөйтөт.
.
Дат - темирди жейт,
Дарт - өмүрдү жейт.
Дубана таарынса -
Куржунуна зыян.
.
Жакшы кыздын башына -
Бермет менен шуру ойнойт.
Жаман кыздын башына -
Какач менен кир ойнойт.
.
Жорго минген -
Жолдошунан ажырайт.
Көп жашаган -
Курдашынан ажырайт.
.
Жылкы кишенешкенче,
Адам - сүйлөшкөнчө.
.
Ит күлүгүн - түлкү сүйбөйт,
Ичи ооруган - күлкү сүйбөйт.
.
Иттин - ээси болсо,
Карышкырдын - Кудайы бар.
Ичип, арактын көөнүн алган -
Кусуп, Кудайдын көөнүн алат.
Казанга түшкөн - капка түшпөйт.
Кара далы - эр тандабайт,
Жыгылар адам - жер тандабайт.
.
Кара жерге кар жааса,
Карды көргөн - бир мурат.
Кара жерден кар кетсе,
Жерди көргөн - бир мурат.
.
Кел демек - бар,
Кет демек - жок.
Келгенче - конок уялат,
Келгенден кийин - үй ээси уялат.
.
Көчкөндөн отун артат,
Өлгөндөн катын артат.
Киши аты - терчил,
Киши кийими - кирчил.
.
Кушту жырткыч кылган - тырмагы,
Киши сүрдүү кылган - мансабы.
Кызыктан кызык - кызды көр,
Өзгө эрибей, жатка эрийт.
Кызыктан кызык - тузду көр,
Майга эрибей, сууга эрийт.
.
Кырк жылы кыргын болсо,
Бейажал чымын өлбөйт.
Мансапка мас болгон -
«Көлгө көпүрө салам», - дейт.
.
Меймандын тогу - жакшы.
Миң кишинин атын билгенче -
Бир кишинин сырын бил.
Мурунку конок
Кийинки конокту сүйбөйт.
.
Оозунда келмеси бардын -
Башында селдеси бар.
.
Оорулуу өлбөйт,
Ажалдуу өлөт.
Өлөт деген - өлгөн жок,
Өгүз минген - калган жок.
Чалдын көркү - сакал,
Сөздүн көркү - макал.
Эрди - карыганда,
Атты - арыганда көр.
Эт көрбөгөн - чоң сугунат,
Ун көрбөгөн - бор сугунат,
Туз көрбөгөн - шор сугунат.