[asko55]

[sumaya]

Куткондордун катарындамын.

[nur0924]

Гулзада эже баштаныз.кутуп жатабыз

[alykul]

Тагдыры оор болгон экен.эми жакшы жашоого жеттим деп жаза калса экен

[VIK]

Тагдыр эмне белек кылганын кутуп жатабыз автор...

[Gulzada_09]

Буга чейин мен бир көрүп жактыруу болоруна ишенчү эмесмин. Шыңга бойлуу, жылмайган жүзү адамды өзүнө тартып турган жылдыздуу, ак жуумал сырдуу жигит чынында мага кызыгуу жаратты. "Мен таптым окшойт" дедим ичимден өзүмө-өзүм. Жакын жердеги кафелердин бирине кирип отурдук. Тил табышып, сүйлөшүп кетүү деле анчалык кыйынга турган жок. Үстүртөн таанышканга үлгүрдүк. Баштаганда эле шашылып үйлөнүүнө эмне себеп экенин билгим келди. Ал "өлүмдөн башкасына шашылыш керек экен " деп тамаша аралаштырып жооп кайтарды.
- Эгер тамашалашкынар келсе менин убакытым көп эле, бирок, силерди антип айта албай турам... А эгер олуттуу жооп берсеңерчи? ...
- Чыным айтсам... Менин мындан 2 жыл мурда үйлөнөйүн деген оюм болгон. Азыр эми анын себептерин айтып отуруунун деле кажети жок. Кыскасы үйлөнгөн эмесмин. Карап отурсам убакыт өтүп атат, үй-бүлөө болуп мен дагы чакан мамлекетимди түптөй берсемби дейм.
- Буга чейин тааныбаган эле кыз мененби?
- Тааныштык го. Чынын айтканда сен мага жактың. Байкашымча сенден артык деле кыз таба албасам керек деп ойлоп отурам.
- Албетте, көп болсо 2 саат убактың калыптыр. Эмнеге мынча шашылганыңызга эле таңым бар...
- Эми, актанганда эмне. Менин үйлөнөм деп көздөгөн кызым башка болчу. Белгилүү себептер менен ата-энем ал кызга каршы болуп коюшту. Туугандарыма үйлөнө турган күндү белгилеп чакырып алып, алардын мен үчүн тапкан кызы менен келише албадым. Андан кийинки окуяга өзүң күбө болуп отурасың. Бөлөм экөөбүз тууган катары жакшы сүйлөшүп, кыйытып кыздарын барбы десем сени тааныштырып отурат. Ал деле мага жамандык каалабаса керек да.
- Мейли эми бөлөң сени жакшы тааныйт экен, сени болушунча мактап, жактап аракет кылып жатат. А менин талаптарымды аткара алар бекенсиң?
- Менин бүгүнкү сунушума макул болсоң гана, сенин талаптарыңды аткарууга дайым даяр болом!
- Менин талабым деле ар бир кыз кыялданган Бакыт гана... Менин буга чейинки тагдырым оор болду. Аз-маз болсо дагы бул турмушту талдап, түшүнүп калдым деп ойлойм. Силердин азыркы абалыңарды да жакшы түшүнүп турам. Бирок, чакырып алган коноктор үчүн гана шашылууга болбойт. Бул силердин гана эмес, менин дагы келечегим. Ойлонуп, жакындан таанышууга убакыт керек болот баары бир.
- Биринчиден мага сен эле деп кайрыла берсең болот, болгону бир жаш гана айырмабыз бар экен. Экинчиден, турмуш куруу жоопкерчиликтүү иш экенин билем, бирок, менин шартым, азыркы абалым ушундай болуп турат. Менин сунушумдан баш тарткың келип турганыңды да билип отурам. Бизде жакындан таанышууга жетишээрлик убакыт болот үй-бүлөөлүк абалда. Бакыт деле кадам кылгандарга келсе керек. Өмүрүңдө бир жолу терең ойлонбой кадам кылып көрбөйсүнбү? балким биз бактылуу болобуз?! Жараткан деле балким бизди жөн жерден тааныштырбаган чыгар?...
- Бир нерсе айтуу кыйын... Мен көп нерселерден коркуп калгам. Туура, корком деп отура берүү деле туура эмес, кандай адам экенинди таанууга убакыт керек да баары бир... Өзүнөр кесибиңер боюнча учкуч экенсин, эмнеге иштеген эмессиң?
- Ден соолугума байланыштуу. Мен дегеле шаардын ызы-чуусунан качып айылга жашасамбы деп да жүргөм. Билбейм, эми келечек кандай болорун убакыт, анан сенден көз каранды болуп калды окшойт. (дагы жагымдуу жымыйып койду).
- Деги эле эмне менен алектенесиң анан?
- Салон ачсамбы деп жүрөм... Чакан ишкерлик болбосо шаарда жашоонун маңызы деле жок.
- Кандай салон сыр болбосо?
- Бул менин хоббиме байланыштуу, кийин көрөрсүн...
Кызык болгону менен андан ары тактап суроодон уялдым. Өзүмдүн жайымды айтып коюу үчүн кайра сөз баштадым.
- Мен азырынча айылда жашайын деген оюм жок. Анткени шартым ошондой. Кызымдай болуп калган эки сиңдим бар. Алардын жанында болбосом да, көз кырымды сала жүрүшүм керек. Анын үстүнө аспирантураны аяктадым, кандидаттык ишимди жактасам деген оюм бар. Менин шарттарым туура келбесе убактыңды бекер коротпо.
- Ооба сен жөңүндө бир аз уктум. Ата-энеңдин арты кайырлуу болсун. Башында айтып койгонуң жакшы. Ачык эле айта бер. Мен дел шаарда окууну бүтүп келгенден бери жашайм. Мен деле ата-энем бар кезде кадырлап айылда болуп, жандарында тынч жашоо кечирем деп баргам. Эми аны чогуу кеңешип чечсек деле болот...
Ары жакта бизди карап отургандарды көргөм, тынбай ары-бери өтүп аткандар болгон, бирок маани берген эмесмин. Бирок, ошонун баары аны коштоп келгендер болуп чыкты. Менин көңүлүм болбосо деле ала качышмак окшойт. Аңгыча, апам курак болгон эле бир эже келип кошулуп, мага карап сүйлөп калды. Ал баягы бөлөсүнүн апасы - таежеси экен. "Менин экинчи апамдай болуп калган таежем, мен үчүн ушундай алтын таежелерм да күйүп-бышып кошо жүрүшөт" деп тааныштырды. Эми ал эже жээнин мактап тили-тилине тийген жок.
- Эже эми бул жигит менин эмес, сиздин жээниңиз. Жакпады дебейм, жакшы бала экен. Бирок, шашылып кереги жок, жакындан таанышалы. Шартыңыздарды жакшы түшүнүп турам, бул менин айыбым эмес. Келише албасаңыздар капа болбоңуздар, сиздерди жолуңуздардан кармабайм.
Эже менин тарыхымды кызынан жаттап коюптур. Жөн эле эки кызга ата болорун кайталап айтып, жалынып-жалбарып атып бир аз жибитти окшойт. Бир чети өзүм дагы ойлондум. Ушинтип жүрө бергенде эмне, ордумду таба берсемби, издегеним өзү келип отурат го деп. Тобокелге салып бир топ нерселерди сүйлөшкөндөн кийин макулдугумду бердим. Бирок, үйгө айтып бир аз даярданып алып бир-эки күндөн кийин десем эч эле көнбөй, ошол жерден алып кетишти...
Келечегимди тобокелге салып бир көргөн адамга башымды байлап алыс жолго чыктык... Эстесем баягы число.. 28-апрель, Жаныбек ала качкан күн экен7 жыл өтүптүр.

[gukush00]

Анааааааан ай ииий кантип коркон жоксуз уфф бери жакта окуп атып мен коркуп аттым мени алып кетчудой болупп

[Aidai05]

Кутуп атабыз

[Gulzada_09]

Жолдо чогуу иштеген курбума чалып, болгон жайытты айтып, жумуштагыларга да айтып коюшумду өтүндүм. Алдыда майрам күндөр бар, келиндик милдетимди бир аз аткарып, кайра келеттирмин дедим. Башында ал ишенген жок, тамашаңды койчу мен үчүн эмес деп атып, таң калыштуу абалда "мейли" деди. Чын эле өзүмө да түшүнүксүз абалда кетип бараттым... Баягы тааныш жол, эстебегенге болбойт... "Оо Кудайым ушул жолу бактылуу болсом экен деп утуру ичимден тиленип бараттым. Жанымда караган сайын жымыйып койгон жигит - болочок жолдошум...
Түн бир оокумда үйүнө да келип, кирдик. Чачылаларын чачып, бир топ адамдар тосуп алышып, көшөгөгө киргизишти. Мен мындай учурга көнүп калгансып, анчалык деле толкундоо болгон жок. Айланып, кагылып жоолугун салып, кийимдерин кийгизишти. Мага негедир мурункудай ал үй жат көрүнбөдү, мурда келип жүргөнсүп жылуу учурайт. Каадаларын жасап атышты, биз тарап болгону менен башка аймагы (район) экен. Кудалардын ачуусун басканы менден кат жаздырып алып 4-5өө жөнөп кетишти. Келин көргөндөр таң аткандан келип башташты. Жаңы барганда кызыга беришет эмеспи, улам бири келип ар нерселерди билгилери келишет. Бир калыпта суроолоруна жооп берип коюп отурдум. Уландан кийинки иниси үйлөнүп, ал тургай баласы бар экен. Тыпылдап авысыным тың экен. Улан да шашылганы ошондон го деп ойлоп койдум ичимден. Түштөрдө жеңелерим келди. Шан-шөкөт кылып жакшы эле сыйлашты. Күйөө баласы баарына эле жакты окшойт. "Сени ушундай жигитке чыгат деп күткөн элек, бактылуу болгула. Мындай жигиттер ар бир кыздын эле кыялы болсо керек. Мен да кыялдангам кезинде, эми ар кимдин тагдырына жазганы да" деп калды алысыраак бир жеңем. Өзүмдүн жеңем күнөөлүү кишидей унчукпай отурган, эшикке чыкканыбызда өткөндөгүлөр үчүн кечирип сурап ыйлады. Кечирбегенде кайда барам, бир тууган боорумдун келинчеги, ата-энемден кийинки эле ошолор да. Байкем болсо: "Бир эле көргөн немеге кете бергени эмнеси? Байкап билбейби, балким оорукчанбы же аракечпи, азыр адамдарга ишенип болобу? Жакшылап байкап кел" деген экен жеңеме. Менимче түшкөн жериң деле жаман эмес деле окшойт. Ордуңду тапканың жакшы жалгыз жүргөнүндөн көрө. Кайненеңдин бир аз кабагы ачылбайт экен, мындай күндө эмнеге анткенине түшүнгөн жокмун. Эми улуусу экен, сенин шаарда жумушуң да бар, чогуу деле жашабасаңар керек. Өзүң деле эки жакты көрүп калдың эптеп кетесиң да.. Өзүбүзчө дагы бир топ нерселерди сүйлөштүк.
Бардык каада, шаттар аткарылып, баары жакшы, жеңемдерди узаттык.

[sladkaja_konfetka]

Бат-баттан жазынызчы автор...убактыныз болсо...

[nazgul90]

Анан кутуп жатабыз .

[Gulzada_09]

Шартыма карап жазууга туура келип жатат. Сиздердин тынчыңыздар кетсе ушуну менен тема жабылсын. Тагдырдан тапкан белегим менин алтындай болгон - балам. Ал менин өмүрүмдөгү табылгыс белегим...

[VIK]

40на чыдап жаздыныз эми 1не да чыдап коюнуз автор... Мейли эми. Бактылуу болунуз!

[Gulzada_09]

Мен деле ушинтип таштап койгум келген эмес, атайын ушинтип жазып жаткан деле жокмун. Болгону шартым ушундай болуп калып жатат. Бир нукта жазып отурууга дагы бир аз убакыт керек. Жазгандарымды коштоп шык берип отурган окурмандарга рахмат, бирок, көңул чөгөргөн коментарийлерден кийин маанайын да түшөт экен. Албетте, бул тагдырдын азырынча аягы жок..

[sladkaja_konfetka]

Жазыптыр деп суйунуп кире калса...
Автор, комменттерге конул бурбай теманызды аягына чыгарып коюнузчу...
Тушунобуз, жаш балалуу энелердин убактысы тар болоорун...

[Nazmi8893]

Гулзада айым терс комантерийлерге конул бурбай эле коюн бул жерде жааллан эле коро албаган ж.а ушакчылар кобуроок экен жаллан эле терс комантерийлерди жазышат экен. Аларга конул бурбай эле уланта берин, биз чыдамсыздык менен уландысын кутобуз! Улантасыз деген ойдомун.

[regina86]

Негативный коменттерге конул бурбай жаза ьер Кун-До карай сени жазды бекен деп

[Kamchybekova.Ch]

Күтөбүз дагы,улантасыз деген үмүттөмүн.
Чыдаш керекко баарына,алар да күтүүдөн улам жазышты. Сиз өз нугуңузда уланта бериңиз,биз баарыбир күтүп окуйбузда,эмне десек да.

[tam4y]

уландысын чыдамсыздык менен кутобуз автор..........

[nur0924]

Гулзада эже кутобууууз