[MaRmeLaDka]

Байкасам, акыркы күндөрү баарыбыз терс эмоцияларга чулганып бараткандайбыз. Келгиле, оптимист бололу. Мен, мисалы, бул дүйнөгө келгеним үчүн, жанымда сонун досторум, жакын адамдарым бар үчүн бактылуумун. Анан да кечээ жанымдай жакшы көргөн байкем окуусун бүтүп келди. Мына ушул жакшылыктардын баары мага жаңы жашоого энергия тартуулайт. Келгиле, баарыбыз жаман пессимисттик ойлордон арылып, ушул темада ой жүгүртүп көрөбүз.
Бактылуу кыргыздар көп эле болсо керек...

P.S. Баарыбыз бактылуу болууга милдеттүүбүз! !!

[jikitai]

Ооба терс эмоция ооруну чакырат.Анда мен озумдуу бактылуу сезип коройунчу мммммм . бироого да жакшы эмоция тартуулай кетейин ким жазса менден кийин бул гул сизге! жана бул да

[SubAz]

Кимдир үчүн бакыт - акча,
Бирөө үчүн - мансап, бийлик.
Бирөө үчүн - сүйүү,
Бирөө үчүн - үй-бүлө.

Кызык, мындан башка дагы эмне бакыт болушу мүмкүн?

[Acia]

SubAz (17 July 2010 - 13:20) жазган:

Кимдир үчүн бакыт - акча,
Бирөө үчүн - мансап, бийлик.
Бирөө үчүн - сүйүү,
Бирөө үчүн - үй-бүлө.

Кызык, мындан башка дагы эмне бакыт болушу мүмкүн?

Ден соолук.

Ден соолук чын болсо суйууну,уй булоону,мансап, бийликти таба аласын.

Демек мен бактылуумун!

[биз]

мен ыйманым менен бактылуумун.
ыймандуу адам бактылуу адам

[Таллас]

"Биз" партиясына кошулам!

[Адам]

Менден өткөн оптимист адам болбосо керек бул жарыкта. Анткени, мен позитивмин!

[Asecha]

Мен Мармиладканын оюна кошулам. Бактылуулук бул - жакын адамдарындын дайыма жанында болуп, алардын жакшылыгын, жетишкендиктерин, кубанычын тен болушуу. Ал эми ашыкча байлык, бийлик, мансап деген нерселердин баары колдун кири деп айтар элем. Адам, негизи, бар нерсесин бардай кабыл алып, Кудайга шугур деши керек. Анан, албетте, бактылуу болуу учун адам озу аракет кылып, бир келген жашоонун таттуу даамын татып кеткенге эмнеге болбосун?!

[MaRmeLaDka]

Мен бактылуумун, анткени жакындарымдын баары жанымда, Кудайга шүгүр, эсен-соо. Мен бактылуумун, анткени мени ар дайым колдогон, мени ишенген досторум бар.

[ЛИМОН]

Баарынар бактылуу болгула.Силерге кошулуп мен да бактылуу болоюн. "Бактылуу болуп жашайлы" деген ыр сап бар беле?

[Karamel]

баарынар ден соолук, достор,жакындар аман соо, ачык асман-бул бакыт деп жазыптырсынар. менде ушунунун баары бар. ооба бул бакыт. бирок эмнеге мен азыр баарибир бактысыздай абалда журом?

[ХАНЗАДА]

FIANIT (22 Сентябрь 2011 - 16:00) жазган:

AeCHka эженин илгери жазган ырын таап алдым, аябай жакшы саптар экен.

Бакыт- эмес,эсептеген малдарын,
Бакыт консо байкай албай калбагын.
Бешик уну коштоп турган кулкусу,
Бакыт-менин алдейлеген балдарым.
Бакыт менен бирге журот кайгы мун,
Байкоосуздан бурколотко жайкы кун.
Бал суйуунун ширин даамын бир таткан,
Бакыт сенин койнундагы суйгонун.
Бакыт эмес жыйып келген байлыгын,
Бакыт эмес бироо берген чайлыгын,
Бакыт деген таман акы мандай тер,
Бакыт-сенин иштеп тапкан айлыгын.

Байлыгын колго жуккан кир эмеспи,
Бийлигин колдон учкан куш эмеспи,
Бала деген артта калган из эмеспи,
Бакыт деген сиздер жана биз эмеспи!

Сонун ыр экен. Ырдагы саптарга кошулам. Кудайга шугур, бактылуумун!

[zhazira]

FIANIT (22 Сентябрь 2011 - 16:00) жазган:

AeCHka эженин илгери жазган ырын таап алдым, аябай жакшы саптар экен.

Бакыт- эмес,эсептеген малдарын,
Бакыт консо байкай албай калбагын.
Бешик уну коштоп турган кулкусу,
Бакыт-менин алдейлеген балдарым.
Бакыт менен бирге журот кайгы мун,
Байкоосуздан бурколотко жайкы кун.
Бал суйуунун ширин даамын бир таткан,
Бакыт сенин койнундагы суйгонун.
Бакыт эмес жыйып келген байлыгын,
Бакыт эмес бироо берген чайлыгын,
Бакыт деген таман акы мандай тер,
Бакыт-сенин иштеп тапкан айлыгын.

Байлыгын колго жуккан кир эмеспи,
Бийлигин колдон учкан куш эмеспи,
Бала деген артта калган из эмеспи,
Бакыт деген сиздер жана биз эмеспи!

Taamai jazylgan

[Aydashka]

Адамга ырыс келет төрт мезгилде,
Биринчиси сен балапан он сегизде.
Экинчиси солкулдаган жыйырма беш жаш,
Үчүнчүсү үй-бүлөлүү кырктан кийин,
Төртүнчүсү төрт тарабың шай келгенде.

Алтымыштан ашкан кезде даана бакыт,
Азаптардын каймагын калпып татып.
Балпайган чал байбиче төрдө отурса,
Бапестеген балдарына бакыт айтып.

Кайгыны кайсы убакта десем болот,
Майып болсо балдары сезсең болот.
Көргөн сайын зар какшап Ата-энеси,
Бактысы колдон учкан десе болот.

Кайгыны кайсы убакта десем болот,
Заар кесел тор артына кеткен болот.
Салмактап бакыт дөөлөт күтө албаган,
Пенденин арасында нечен болот.

Адамдын алты саны аман болсун,
Түбөлүк өмүрлөргө бакыт консун.
Тирүүлүк күнүн, бийик билип алгын,
Пенделердин телегейи тегиз толсун.

Ушул ырым канаттары кайрылганда,
Ушул ырым талаптардан айрылганда.
Демөөрү болсо экен деп эңсеп келем,
Санаага батып, өңдүн саргайганда.

[Lyuza]

Жон гана кудайга шугур ушунчасына

[Likvidator]

Мен бул жашоонун туркун тусун , ачуу -таттуусун коргонумо бактылуумун. Аз да болсо бул жашоодо жашап жатканыма бактылуумун.

[Таллас]

Эгер качандыр бир убакта бакыттын артынан кууп жүрүп аны тапсаңар, анда, силер, өзүнүн көз айнегин издеп көпкө таба албай акыры таап, анан ал ошо көз айнек так алдында жатканына таң калган кемпирге окшошсуңар!

Эгер аныктама бере турган болсок, бакыт деген түйшүксүз жана кайгы-капасыз жашоо эмес, балким, рухуңдун тынчтыгыдыр!

Билдирүүнү түзөткөн: Таллас: 07 Октябрь 2011 - 10:41

[Бродяга]

Бактылуу темага кире кетейинчи.
Ар бирибизде көйгөй бар, көйгөйлүүбүз деп санаа тартпайлы, антпесе да болбостур.
сүйүктүү мамлекетибизде, жакындарыбыздын жанында жыргап жашай берели!
Баарыбыз бактылуу болууга тийишпиз! !!

[Камал]

даааа, мен да бактылуу болууга милдеттуумун! !! опртимист болгум келет бирок реальный мир ошонун баарын разрушать этип жатпайбы, ни чё я справлюсь! !!

[dina]

Кээде кыйналып бир жумущтар бутпой жатканда дайыма бул да отуп кетет, эртен баары жайында болот деп озумду жайгарып койом. Танатпай озумчо эле бактылуу болуп отурам, неге экенин озум да тушунбойатам.