[progresskg]

Мен жакында Кыргыз тилинде болгон блог ачкам. Ал жакта ар кандай, өзүмө жаккан темалар жөнүндө жазып турам. Анан Англисче дагы кошуп жазам атайын. Бул жерде болсо, ошол блогумдагы кээ бир темалар менен бөлүшүп турайын деп чечтим. Толук окусу келгендер, өзүлөрү менин блогумдан же соц.тармактагы баракчалардан окуй алышат.
Биринчи тема:

Кайсыл областтар кайсыл өлкөлөрдү батыра алат?



Кыргыз Республикасы Кытайдын жанында эле кичине өлкө болуп көрүнөт. Бирок аянты жагынан, ал 196 өлкөнүн ичинен 86чы оорунда турат.


Кыргызстан менен Германияны аянты жагынан салыштырсак, чын пропорциясы мындай көрүнөт:







КР жана Испания:






Ал эми ар бир КР облусу, башка көптөгөн өлкөлөрдөн да чоң келет. Мен атайын КР областтарын, белгилүү өлкөлөр менен салыштыргым келди. Ошондо мындай жыйынтыкка келдим:


Чүй облусуна Кувейт батат экен







Ысык-Көл облусуна Нидерланд толук батат экен






Нарынга Швейцария сонун эле батып кетет экен







Ош облусу Израильден чоң





Баткенге Катар батат экен




Ал эми Жалал-Абадка Бельгия толугу менен батат







Талас болсо Ямайканы өзүнө батыра алат





Эмкиде Кыргызстан кичине, тар, бараарга жер жок деп ойлогондо, ушул 7 өлкөдө (Кувейт, Нидерланд, Швейцария, Израиль, Катар, Бельгия жана Ямайкада) жалпысынан 53 миллион киши жашайт экенин унутпаңыз. 53 миллион адам. Ошондой эле аянтты ээлеген КРда болгону 6 миллиондон да аз адам жашайт!
Жана бул абдан сонун нерсе. Муну да баалашыбыз керек

[vavilon.]

Японияны деле айтсан болот бизден эки эсе эле чон бирок калкы 130млн. А Германия 82млн. Голландия Нарынга батат экен а калкы 15млн.
Ал эми Казакстан бут Европага тен келет 30дан ашуун олкого.

[Aydina]

Сонун кызыкттуу маалыматтар экен.

[KgEka]

Кыргызстан Европада болгондо чоң эле олко болмок экенбиз.

[kyialkech2016]

KgEka (28 Май 2017 - 16:58) жазган:

Кыргызстан Европада болгондо чоң эле олко болмок экенбиз.

.
Ошентсе да Кыргызстанды копчулук олколордун элдери тааныбаганы жаман. А кичинекей Кипр, Монако, Лихтенштейн, Люксембург, Ямайка, Ливан сыяктуу микро олколорду копчулугу тааныйт. Коншу турган Кытайдын туштук чыгыш тарабындагы элдери(Гонконг, Шанхай, Гуанчжоу, ) Кыргызстанды кобу билбейт экен.

[izdeim.seni]

Кызыктуу маалыматтар экен.

[FCMUKG]

Негизи эле АЛАКАНДАЙ ЭЛбиз дегенге анча кошула бербейм.Биздин мамлекет бир топ чон коруп турганынардай ))

[Kyrgyz_bloger]

Оо сыймыктанчу маалымат го.

[Kominam]

Сооонунннн! !!! Азаматсыз!

[kaisaarmyn]

Кыргызстан тоолу ошон учун адам аз жашайт деп ойлойм. Тоого копчулук чыдап жашай бербейт. жакшы маалымат экен дагы кутобуз

[progresskg]

Албарсты жөнүндө. Илимий көз караш менен
Мен кыргыз жана орус эстрадасынан алысмын, кайсыл ырлар, кайсыл клиптер азыр популярдуу, кайсыл ырчы азыр “звизда” экенин билбейм. Бирок жакында бир кыргызча клип менин көңүлүмдү өзүнө бурду. Анткени ал жөнундө соцтармактарда да көп сөз болуп жатыптыр. Албарсты жөнүндө. Үч кыз, аларды албарсты кантип басканы жөнүндө ырдаган клип экен
Aл клип атайын viral video (вирустуу клип) болуш үчүн жасалган окшойт. Менин билишимче, бул кыргыз тилиндеги биринчи ушундай “вирустуу” клип. “Вирус” видеолор же ырлар, кайсыл бир жагынан кызыктай болуп, анан мээңе кирип, бир нерсеси менен эсте калып калыш керек. Анан адамдар соцтармактарда бири-бири менен тез жана көп бөлүшүп, ал аз убакыттын ичинде вирус сыяктуу тарайт. Кээде, бир ырды угуп алып, кайра өзүң кечке эле ошол ырды кайталай берген учурлар болот эмеспи. Мисалы андай ырларга “Gangnam Style” же “Pineapple Apple Pen” деген ырлар кирет. Аларды бир уккандан кийин, кандай гана ырдын мааниси жок, кандай гана “тупой” ыр болбосун, сен өзүң да ошол сөздөрдү кайталап, ырдагың келет. Бул албарсты жөнүндө да ошондой вирустуу ыр экен.

Бирок бул темам ал клип жөнундө эмес, албарсты жөнүндө болмокчу. Ал клипте “албарсты мени басты” деп ырдап жатышат. Бирок канчалык бул чындыкка жатат? Албарсты чын эле басабы адамды? Албарсты деген түшүнүк кыргыздарда эле барбы? Албарсты негизи ал эмне? Илимий көз караш менен айтканда, aлбарсты деген эмне өзү?



Албетте албарсты бул чын эмес жана мурда түшүнүксүз феноменди түшүндүрүш үчүн эле ойлоп чыгарылган фольклордук персонаж. Ар кандай желмогуз, жезкемпир же ажыдаар деген жомок түшүнүктөрдөй эле, албарсты да, биз өзүбүз эле ойлоп чыгарган нерсе. “Албарсты” деген түшүнктү, илим мурда эле түшүндүргөн. “Албарсты” деген феноменди, Англисче “Sleep paralysis” деп айтышат.
Sleep бул уйку (уктоо), paralysis бул паралич же кыймылдай албаганды билдирет. Башкача айтканда, албарстынын туура жана так илимий аталышы бул – “Уйку параличи“.
Албарсты элдик фольклордо эле кездешет. Бир эле кыргыздарда эмес, башка элдерде да ушундай түшүнүк бар. Бирок илимий көз караш менен айтсак, aлбарсты деген бул уйку параличи жана аны коштогон ар кандай галлюцинациялар .

Цитата

“Sleep paralysis is a phenomenon during which an individual is unable to move during falling asleep or awakening, but is aware of their surroundings. It is often accompanied by frightening hallucinations to which one is unable to react because of paralysis and perceived physical experiences, such as a strong current running through the upper body.”

“Уйку параличи” (Албарсты) бул адамдын “уйкуга батып жактанда” же жаңы эле уйкудан чыгып жаткан учурда, өзүн кыймылдата албай калганы, бирок ошол эле мезгилде, ал адам айланасын сезип турат. Ушундай убакта, адамдын оюна ар кандай коркунучтуу галлюцинациялар келиши мүмкүн, мисалы аны бирөө басып же муунтуп жаткандай сезилиши мүмкүн.
Албарсты жөнүндө сөз кылганда, уйкунун ар кандай стадияларын айтып кетиш керек. Адам уктаганда, ал уйкунун бир нече стадиясын өткөрөт. Андай стадиялардын бири бул – REM sleep (Rapid eye movement sleep). Уйкунун ушул стадиясында, адамдын көздөрү бат баттан жылып турат.Бул стадияда адам уйкуга кирип жаткан болот, бирок толук жана уйкунун терең стaдиясынa али кире элек болот.Уйкунун ушул стадиясында адамдын денеси кыймылдатканын токтотот. Кыймылдабай жатат. REM atonia деген түшүнүк. Убактылуу адамдын денеси кыймылдай албай, “убактылуу паралич” болуп калат. Албарсты баскан учурлар, так ушул стадияда болот экен.
REM sleep бузулганда же REM sleep туура эмес өтүп жатса, “уйку параличи” (албарсты) басышы мүмкүн. Дене өзү параличте болот, бирок дене паралич болгону менен, кээде адам толук уйкуга бата элек болот, ошондой убакта ал өз денесин кыймылдата албаса деле, айлана чөйрөсун “анча мынча” сезип тура алат. Так ушул убакта, “албарсты басышы” мүмкүн экен. Башкача айтканда, адам денесин кыймылдата албаганына паника болуп кетиши мүмкүн. Ал эми паника болгондо, анын оюна ар кандай жаман галлюцинациялар келип, ага ар кандай нерселер сезилиши мүмкүн.
“Уйку параличи” бир нече секунддан, ашып кетсе 5-6 мүнөт эле созулат. Кээде 10 мүнөткө да жетиши мүмкүн. Анан негизи ал адамдын ден-соолугуна зыяны деле жок. Жалпы Адамзаттын 8-50% чейин кайсыл бир убакта, “уйку параличин” сезет экен. Башкача айтканда, бул көп эле адамдарда болот, зыяны деле жок, анан эч кандай коркунучтуу монстр же желмогуз эмес. Болгону адам өз уйкусунан толук чыга элек, ошондуктан түш көргөндөй сезилет. Ал эми адам өз түшүндө, түш көрүп жатканын билбейт да. Түшүндө көргөнүн чын деп ойлойт. Ошондуктан албарсты, адамдарга чын же басып жүргөндөй сезилет.
Анан дагы уйку параличинен тез чыгыш үчүн жакшы бир кеңеш окудум – “албарсты” басып жатканда, андан корккондун оордуна же кыймылдагандын оордуна, тескерисинче, өзүңдү жакшы сезгеңге же күлгөңгө аракет кылышың керек дейт. Ошондо уйку параличинен тез чыкканга болот экен.
Ошентип, албарстыдан корксоңор, анда албарсты жок экенин унутпагыла Ал көбүнчө уйку режими бузулганда же чарчаганда эле болгон феномен. Зыяны жок, бирок андай параличтен тез чыкканга да үйрөнөсө болот экенин унутпашыбыз керек.

Билдирүүнү түзөткөн: progresskg: 29 Май 2017 - 18:16

[Tansuluu09]

Андай убакта кулмок турсун мээне бир соз келбей демин чыкпай бир бармагын кыймылга келтире албай каласынго

[progresskg]

KG Областтардын желектери

Ар бир областтын өзүнүн желеги бар экенин мен мурда эле билчүмүн. Бирок алардын ушундай дизайнда экенин билбептирмин . Кээ бир желектердин дизайндары аябай жакшы экен. Мисалы Баткен областынын желеги абдан жакты.

Билдирүүнү түзөткөн: progresskg: 30 Май 2017 - 00:56

[happy02]

[Nurmuxammet]

Азаматсын

[Kyrgyz_bloger]

Албарсты деген чындыгында бар нерсе сени баса элек окшойт,илимде мындай дегенин м.н ислам дини ал илиминден ойдо турат.

[kyialkech2016]

Албарсты деген Жинда э. Медицина конечно озунун тилинде тушундурууго аракет кылат.

[aytkulova]

[progresskg]

Билдирүүнү түзөткөн: progresskg: 01 Июнь 2017 - 22:24

[progresskg]

Эмне үчүн жакшы окубаш керек?

Кээ бир тааныштарым мени contrarian деп айтышат. Анткени мен анда санда баарына каршы келген кадамдарга барам, эч ким жасагысы келбеген же эч ким кызыкпаган иштерди кылам. Алардын ою боюнча, көп учурларда мен тескери кеңештерди берем Бирок кайсыл бир убакыт өткөндөн кийин, алар менин ошол көз караштарыма кошула башташат.

Менин ошондой “тескери” берген кеңештеримдин бири бул – окуучулардын мектепте жана университетте жакшы окуганын, мен туура эмес жана зыян көрүнүш деп ойлогонум.

Ошондуктан мен Бишкекте жашаган туугандарымдын балдарына “эч качан отличник болбогула” жана эч качан жакшы окуганга аракет кылбагыла деп айтып келем. Анын оордуна, “бир нерсени жакшы билгиле” деп айтам. Мейли “троечник” же “двоечник” бол, бирок кайсыл бир теманы жакшы түшүн деп айтам аларга.

Эмне үчүн? Биринчиден “жакшы окуу” дегенде эле биздин ойубузга мектептеги отличник, алтын медаль алган окуучу же университетти кызыл диплом менен бүткөн студент келет. Бирок мектепте же университетте алган жакшы баалар же кызыл диплом чын жашоодо чоң роль ойнобойт, менимче. Анан окуучуларга койулган баалар эч качан 100% обьективдүү болбойт, анткени ал баа – мугалимдин ошол учурдагы эле сага берген баасы.
“Жакшы окусаң – жашоодо чоң ийгиликтерге жетишесиң” деп ата-энелер (билип же билбей) өз балдарына калп айтып келишет.

Мисалы мен жакында бир чоң компаниянын негиздөөчүсү менен суйлөшсөм, ал айтат, “биз дипломго карабайбыз, бизге баарыбир сенде кандай диплом, биз жаңы жумушчуну анын жасаган иши боюнча баалайбыз” дейт. Башка компаниялардa деле ушундай көрүнүш. Гарварддын диплому менен келсең, ооба, сени жумушка оңой алат. Бирок эртеси күнү алар үчүн сенин дипломуң же бааларың эмес, жумушта кандай иштегениң эле маанилуу болот. Жаман иштесең – жумуштан кетирет. Гарварддын дипломуна карабайт.

Ал эми жумушта жакшы результаттарга жетишиш үчүн, ошол жумушуңду жакшы түшүнүшүң керек, аны жакшы аткарышың керек. Теманы терең түшүнүшүң керек. Ал эми бир нерсени жакшы түшүнүш үчүн, окуу учурунда көп суроолорду бересиң, көп каталарды жасайсың, ар кандай суроолор менен мугалимдин нервине тиесиң. Жакшы билим алыш үчүн, бааларга көңүл бурбаш керек деп ойлойм.
Баалар бул билим берүү процессин башка жакка буруп кетет.
Ошондуктан мен “ударник”, “двоечник” же “отличник” деген туура эмес концепциялар деп ойлойм. Алардан тезинен кутулбаса, азыркыдай диплому бар бирок жумушсуз адамдардын саны эле көбөйө берет, билим берүү системасы азыркыдай эле эффективдүү эмес болот. КРдагы жогорку окуу жайлардагы “взятка” системасы да ушундай ойлогондуктан болуп жатат. Дипломду (кагазды) чыныгы билимге караганда өйдө коюшат. Ал эми жумуш бергендер үчүн (компаниялар үчүн) азыркы убакта диплом мурдагыдай баалуу болбой калды.
Азыр мектепте балдар жакшы баалар үчүн окуйт, университетте студенттер диплом үчүн окушат, пайдалуу информация же бир пайдалуу өнөрдү үйрөнөйүн деп эмес. Ал эми үйдө ата-энеси болсо балдарын “жакшы бил” деп эмес, “жакшы оку” айтып келишет. Менимче жалаң “2” же “3” деген бааларды алып, бирок кайсыл бир теманы терең билген адам, “круглый отличникке” караганда кыйла жогору турат. Андай адамдарга азыр компаниялар өзүлөрү эле жумуш сунушташат.

КРда билим берүү министри, эски шаблондордон кетип, ушул эски практиканы жоюш керек – бааларды жоюш керек.Ошондо балдар мектепке баалар үчүн эмес, билим алыш үчүн бара баштайт, аларда окууга кызыгуу пайда болот. Ката кылгандан коркпой калышат. Ошондо алар билбеген нерсени, уялбай жана “2” алып калам деп коркпой сурай баштайт мугалимдерден. Жылына 1 жолу жалпы бир тест берип турса болот, бирок азыркыдай практика бул туура эмес.

Азыркы убакта, жакшы окубаш керек, “жакшы билиш керек”, “жакшы билгенге” аракет кылыш керек.
Дагы ким ушундай ойдо?