[Gulihanum]

КЕЛИНИМЕ КАТ...

Бул кат сага жетет, билем, анткени гезит барат үйүңө.  Бирок ичимди өрттөгөн эскерүүлөрдөн жазсам гана арылчудай сезип жатам. Сен мындай сезимдерди деле түшүнбөйт болушуң керек деп ойлойм. …Ошол күнү атамды ээрчитип айылга жөнөдүм. Алгач оолугуп үйгө кетем деп жаткан атам айылга жакындаганда негедир тынчсызданып, башкача боло баштады. Үйгө жетип кирсек, сен эптеп учурашып, термосдо муздап калган чайды коюп, анан кошунаныкында той болуп жатканын, барбасаң болбостугун айттың. Бара бер, атамды өзүм карайм деп, кайра өзүм ыңгайсыз боло түштүм. Атам сени жал-жал карап үнү чыкпайт. Эки ай шаарда жүрүп үйүн сагынган эмес беле деп ичимден ойлоном. Сен той болчу үйгө чыгып баратып кызынды жуун деп суу берип, отургузуп кеттиң. Чоң эле кыз отургандан баштап ыйлады, сооротсом эч басылбайт. Атам кошулуп аны сооротуп, жуунтуп үйгө алып кирдик. 5 бала төрөп, өзүңчө кериле басып, үйгө кожоюн болуп, атамды батырбай, сүйлөнүп, кагынып-силкинериңди кошуналардан ошондо уктум. Бир күнү баласын чыбык менен сабап кубалап урду. Атаң артынан ээрчип, урба деп жалдырап жүрөт. Ого бетер күч алып, бир топко ызы-чуу, болду деди кошуна эне. Атам кан басымы көтөрүлүп такай дары иччү. Сен аны жакшы билет элең. Билип туруп, күндө уруш баштачу экенсиң. Иним бир нерсе десе, атамды жамандап, жек көрсөтүп да коюпсуң. Дагы каякка жөнөдүңүз, отуруң үйдө деп кыйкырчу деди кийин атам. Күнүгө ызы-чуу балдарын башкарган болуп сабап, атаң кошуналарга чыгып кутулат дешти. Иним бечара Бишкекке каттап, күн-түн жолдо жүрөт. Чарчап келет да кайра кетет. Атамдын абалын көрбөйт да, түшүнбөйт да эле. Анан атам отуруп-отуруп, ооруп калып, ар кимдикине кетип калат тура. Атам сага эмес, балдарыңа үнүн көтөрүп сүйлөдү беле бир жолу, эми чыныңды айтчы? Алдынан тоок өтсө, күтүп туруп анан өтчү, койдон жоош момун киши эмес беле, же жалганбы? Бул сөздөрдү ичимден айтып, сени менен сүйлөшө берем. Түндө да түшүмдө сага айтып, ыйлап жатыптырмын. Өпкөм толуп ойгондум. Атамды эстеп сагынып, бук болуп жатам азыр.    …Өмүр бою мектепте мугалим болуп иштеп, намаз окуган адам апам өткөн соң, жетимсирей түштү. Өз үйүндө чоочун болуп жашап, жатсырап, сенден жалтактап турчу. Канча жолу аны байкасак да, сени актап, балдар менен жүдөп жатат да деп түшүнүп келдик. Бирок атам жылуу сөздөн башка эмне талап кылды эле? Тынымсыз тамак тандап кыйнадыбы? Бир тамак кылып, аны 3-4 күн ысытып бергениңди да уктук. Ошо той болгон күнү келбедиң. Мен атамды карап, балдарыңа кошо тамак берип тынбадым. Телефонуңду унутуп кеткен экенсиң, чырылдаганынан карасам, апаң бир нече жолу чалыптыр. Негизи сенин колуңдан такыр телефон түшпөйт эле, азыр кантип жатасың. Мени не деп сактады экен деп көз жүгүртсөм, атым чоң болуп жазылып туруптур. Эже деп кошуп койсо эмне деп таң кала түштүм. Эртеси келип, кызыңды бир нерседен улам дагы уруп кирдиң. Жинденип, «дарымы бер, бол бат» деп кыйкырып жаттың. Кызың бир дары апкелип, сен ичтиң. Карай койсом, йодомарин экен! «Ушул дары сени тезинен тынчытмак беле, баарыбызды келесоо ойлойт окшойсуң» деп ичимден кыйкырып жаттым!  Инимди коркутуп, зобум бар экен, кысып атат деп ыйлап, догурунуп жүрүп эле 5 ти төрөп алдың го? Мейли аман болушсун, ошолор үчүн иниме сен жөнүндө бир ооз кеп айтпадым.   Эртеси жөнөйүн деп жатсам, атам жаш баладай ээрчип, кошо кетем деп туруп алды. «Качасыз эле качасыз, каякка барасыз» деп дагы кыйкырдың. Кызы келип уруш баштап кетиптир дебесин деп, сөз айтпадым. Атамды жетелеп, берки инимдикине жөнөдүк.     Ошону менен атам ал инимдикинде жашап, коңшу айылдан сөөгүн алып келдик, туурабы?  Элдер наалат  кылып жатышты сени батырбады деп…   …Атам быйыл экинчи жыл кышты көрбөйт. Кышты, карды жакшы көрчү, кар көп болсо, нан мол болот дечү. Өлөөрүндө үйгө кетем деп аябай кыйнаптыр. Сага өчөшкөн иним алпарбай өзү карап, өлүгүн айла жоктон гана алпарды.    … Азыр да кар жаап жатат. Атам карды көргөндө жаш баладай кубанчу. Анан үшүкчөөл эле. Бир жолу меникине  келип, көпкө туруп калды. Өзүнчө бөлмөгө төшөк салып берип, чыгып кеткем. Кайра бир нерсе издеп кирсем, жыйылган жүктөн бир төшөктү алып жатыптыр. Үшүдүңүзбү, дагы жабайынбы десем, мени көрүп чочуп кетти. Уурдаган жокмун, мен партиянын мүчөсүмүн… деп титиреп, калчылдап жатат. «Алыңыз, айланайын ата, ала бериңиз, баарын» деп ыйлап жаттым. Анан эстээр бекен деп, кайсы партияга мүчөсүз деп койсом, «коммунисттик партиянын мүчөсүмүн, коммунисттер төшөк уурдабайт» деп актанып, жүрөгүмдү эзди. Төшөгүнө жаткызып, «сиз жакшы адамсыз, кудайдын эле момунусуз, Алла сүйгөн адамына гана дарт берет, айыгасыз» деп колун көпкө кармап отурдум…    Айтчы, менин атамдан да момун, ак көңүл, жөнөкөй, жаш бала пейил, ичи таза барбы? Сен деле азыр муну моюнга аласың, туурабы?    Неберелерине кошулуп таттууларды жеп, чогуу телевизор көрчү. Ким кирип келсе ордунан ыргып туруп, жалтаңдап турчу. Өз үйүнөн бездиргениң үчүн, жүрөгүн зырылдатып жалтак кылып койгонуң үчүн, мен сени эч кечирбейм. Апаң жакшы аял эмес экен деп калдым. «Эмнеге силер карабайсыңар, менин кызым өлүп кетсинби» деп баарыбызга чалып кыйкырчу…   Карадык, баарыбыз кезектешип карадык, бирок өлөрдө өз үйүнөн кетпегени өмүр бою өкүндүрөт… … Апаң өтүп кетиптир, чалбадым, таба эмес, тобо, эми сен атаңа тамак жасап, нан жаап алып каттап жатыпсың. Келиниң менен иниң башка айылда экен, атаң өзү бир үйдө жалгыз калыптыр. Колуңдан келишинче кара, ата, апа деген конок эле, бүгүн бар да, эртең жок.
Мээрим Султанова

[Bazana]

Ыйлаттыго (((

[Mydearzh]

Кайтар дуйно...

[Merelisha]

эххх.. таш боор,мерез адамга эртен эле келининен кайтат. Жашоо бумеранг.

[defne15]

Кудайым баарына инсап бер. Эч ким, эч качан бироонун козун карабаса экен.

[LunaSun]

Журогум канап кетти го

[vikidiki]

Журогум ооруп чыкты. Эч кимибиздин башыбызга ушундай кун туш келбесин! Ооо Аллах сактай гор! Не деген таш боордук.

[alisha00]

Эшшшшек эле экенго тазале эшек!
Кантип жүрөгү чыдады наадан десе.
Атамды эстеп жүрөгүм сыгылып кетти кийин менин иним дагы ошондой кадамга барса өлтүрүп эле таштайм!

[Tansuluu09]

ото таасирдуу окуя экен.

[Feiza1982]

Эх жашоо жаман менен жакшы , ажал менен өмүр ээрчишип жүргөндөй кээ бир ушундай бээжай , тажаал келиндерге жакшы кайын журт туш келип. Ак көнүл, түшүнүктүү ары түшүктүү келиндерге тескерисинче кайталай канын ичкен кайын журт туш келип калат.
Ар бир үй бүлөөгө ыймандуу, акыл эстүү адамгерчиликтүү бүлөө насип кылсын Аллах
Оомийн.

[bikusim]

Чон атам унутчаак болуп, эмне кылганын, жеп ичкенин унутуп калчу. Менин атамды жакшы корчу. Биздин уйдо журду ичээр суусу тугонгучо. Апам бир ооз каттуу айтпады. Жаткан жерине заара ушатып, эчнерени билбей калганда да жууп тазалап апам менен атам карады. Эчкимди тааныбай калган кезде да менин апам менен атамды таанып турчу чон атам. Чон атам каза болду. Апамы баары сыйлашат азыр. Мамуль деп койушат байкелерим. Эне атаман кийинкикилер силерсинер деп турушат. Эн негизгиси Аллахым ыраазы болсун.
Авторго сабыр тилейм. Келинигиз келининен корот. Кайтаар дунуйо деп койот.

[Supsuluu]

Көзүмөн жаш куюлуп окудум. Эң алгач эле өзүмдүн атамды, келиндерин көз алдыма келтирдим. Андан соң кайнатамды ойлодум. Эч кимди эчкимге көз каранды кылбасын.

[Sonra.94]

мен да зоп ко кымбат даарылап анан йодамарин да ичтим

[Akylai_aktan]

Ушул чыгарманы бардык соц.сеттерге жуктоп койсонор болот экен."МЕН ОМУР БОЮ ОШОЛОРДУ КАРАП ОТУРА БЕРМЕК БЕЛЕМ" деп,баардык нерсеси даяр болсо да чет жакта женил жашоону каалап качып жургондорго сабак болсун.

[CEO1]

Айылдын тиричилиги, кайын журттун кызматынан качып, куйоосун ээрчип Россиялап жургон келиндер толтура... Айрыкча колунда кичине баласы болуп, ошону эрмек кылып квартирада отурган кыргыз келиндери кун откон сайын кобойуудо... Куйоосу байкуш иштеп келип баарын багат, келин болсо ошол жашоосуна канааттанат. Мен куйоомо жук болуп отурсам качан акча топтоп качан айылга кайтабыз деген ой жок... Шаар коргон эчки кебетеленип, балдарын прогулкага алып чыгып жашап журушот, как будто оз уйу, олон тошогундо жашап жаткансып... Акылы жок ошол келиндердин. .... Куйоолорунун да...

Билдирүүнү түзөткөн: CEO1: 23 Август 2018 - 11:20

[raia]

Кайтар дунуйо дейт...
Карыганда кайтарын коргондо озу коп кор болот.
Апам раматылык да эссиз келинден коп азап чекти.Келининиз начар уй булоодон энеси начар,кетир десе .
- Жок келинимди уч жыл котормолосом онолот деп умут кылып бирок уч жыл эмес омур бойу онолбоду.Омур откончо уй ичин тазалап,тамак бышырып нан жаап отту.Онтоп ооруп тошоко жатпады жаман келиндин заар тилинен инфарк болуп отуп кетти.Келиндин кылгандарын кийин угуп канча журогум сыздабады азыр дагы келинди эле эмес озумду да жек коруп кетем.Жангыз пешенемдеги шам чырагым,жаным апамды таштап алыс кеткениме окунуп келем.Озумду озум жедим,ичимден кан отуп турду,куйгонумдон кундон кунго чогуп бараттым.Ошондо да жылдык куну тушумо кирип балам кайрат кыл,пендеси пешенедегини корот балам кайрат кыл,пешенене тан бер балам деп атыптыр....
Мына жылдар отту баягы желмогуз келин да карыды азыр турмуштун кайтар дунуйосун коруп отурат....
Апам деп зырылдап кан какшап ыйлап атсам тоба жаман жорукту баштап эле ыйлайт,капырай жоругу жаман бул ыйы менен бироону башын жутат деген соз кулагыма угулуп,журогум сыздап кан отуп турса да соз кобойуп кетпесин деп ичимен сабыр,сабыр энем олуп деле олгон жокмун го бул бир дейди соз го деп озумду озум жубаткам.
Кайтар дуйно тез эле келип мага окшоп бир жылда ата энеси отуп кетти.Сиздики да олуптур го деген соз дилиме келсе да тилиме чыгара албай ичимен сызып кала бергем.
Мына кайтар дунуйо...
Балдарынан кыздарынан коруп отурат,эл журтан чыгып отурат.
Бир кезде чебердин уйу болуп уйу толо сайма,терезеси толо кроватары толо сайма эле.анын бири жок.уйу толо курак тошок эле азыр анын бири жок.Китьеп суйгон жан эле этажарка толо китеп эле печкага тутангыч болуп жок болуптур.Гул суйгон пенде эле терезеси толо гул эле,короосу толо гул эле. аттин анын бири жок.Мен бала кезе тереземин тубундо бир туп сирен бар эле жыты анкып портучканы ачсам уйго чейин кирер эле.Ал бакыйган бак болуп жазда шактап гулдоп турар эле.
Аттин ошон учун келиним эстуу болсо,узулгонду улаган,чачылганды жыйнаган деп кайненелер бекер тилек кылбайт экен да...
Эси бар келин турмуштун туткасын бекем кармап,бар нерсени ашырып кетет тура..Эссиз келин болсо барды жок кылып,бир тууганды туш тарапка таратып турмушту уламак турсун чачып ийет тура.тарбиясыз кыздарын,балдарын остуруп тукум курут кылат тура.

[Miladora]

Кудайга шүгүр элемин Рая апаңар бир нерсе десе эле өзүнүн историясын айтып киреткоо өзүн Курманжан Датка элестетет окшойт

[CEO1]

Miladora (23 Август 2018 - 13:52) жазган:

Кудайга шүгүр элемин Рая апаңар бир нерсе десе эле өзүнүн историясын айтып киреткоо өзүн Курманжан Датка элестетет окшойт

Сен ошондой боло аласынбы жокпу убакыт корсотот... Историясы башкаларга сабак боло турган история... Ар дайым чындыкты айтып туура жолду корсоткоеу учун да копчулук жакшы корот ал энени...

Ал эми сага окшогондор жаман корсо оздорунун проблемасы. ..

Билдирүүнү түзөткөн: CEO1: 23 Август 2018 - 14:47

[Miladora]

Өз ата энеңердин историясын угуп олтурсаңар алардыкы деле ушундай эле ушу айткан сөздү апаңар деле айтат просто аларга маани бербейсиңер ушуга келип эле ушу силерге тарбия берип аткандай жалпаңдайсыңар

Билдирүүнү түзөткөн: Miladora: 23 Август 2018 - 15:05

[Sonra.94]

Рая эжеге майдай жактыго бул тема.
Тамаша бирок келиндерге кайнене кайнатага деги эле адам заттын баарына ыйман ынсап боорукерлик берсин Аллахым.