Суперстан: Shanson - Профилди кароо

News (15 Май 2023 - 12:31) жазган:

Азыр мурдагы күтүрөгөн форумчуларды дегеле сайтка кириши менен куттуктап коюш эле актуалдуу болуп калды окшойт...

Деткалар, криптовалюта, трейдинг, биткоин-шиткоин тууралуу суроолор болсо уялбастан жаза бергиле. Чайнап берейин

Eka.kg (25 Октябрь 2021 - 07:44) жазган:

Аа, кокуй десе!
Ошо компенсация алайын деп "атайы" утулуп жүргөн турбайбы, көрсө.Болбосо "Барселона" күчтүү команда эле дейм да

Жаңылбасам "Эквилибриум" деген кино болушу керек.
2002-жылы чыгыптыр.
Башкы ролдо Кристиан Бэйл.
Кино тартканга 20 млн АКШ доллары кетсе, кайра чогулганы 5 млн эле.
Кыскасы, фиаско.
(мунун баарын жакында эле билдим, кокустан)

А менин айтайын дегеним кино тууралуу эмес, ошол кинонун ичиндеги бир сюжет.
Тактап, толуктап айтканда, бир заман келет, адамдардын баары бир бийликка баш ийип, ошонун айтканын кылып, күнүгө бирден дары ичип (адамдын эркин басаңдатат окшобойбу), атасы баласына, баласы атасына, коңшусу кошунасына айгак болуп турган заман.
Ар кандай эскичиликти эстөө, ностальгия, искусство, жазмачылык ж.б.у.с., бизге азыркы көндүм иштей сезилген нерселердин баары тыюу салынган убак. Ошол тыюу салынган нерсеге умтулуп, эскичиликтин атрибуттарын сактап жүргөн адамдарга каршы инквизиция уюштуруп турган топтуп ана башында Бэйл турган болот. Бир ошондой жүрүштөрдө, китеп, ар кандай статуэткалар, тыйын, кыскасы эски доордун буюмдарын таап алышат. Ошол жерден бир китеп таап алат Бэйл, жана башкаларга көрсөтпөй өзүнө калтырып коет. Анан аны күнүгө алып чыгып, сылап, жыттап, окуп адамдын илгертен келаткан руханий сезимдери ойгонуп, бир түрдүүлүккө, шаблонго каршы туруп баштайт. Кина акыры жамандыкты жакшылык жеңген болуп бүтөт. Менимче, аябай сонун, маанилүү, адамдын эрки, адамдын руханий байлыкка умтулуусу, бир түрдүү эмес ар бир инсан ар кандай экендиги жана аны кандай тыюу салса дагы оргуштап чыга берчү күчкө ээ экендиги тууралуу фильм.

Адам өзү кызыктай жаныбар. Ооба.. именно, жаныбар. Башка айбанаттардан кыйла айырмаланабыз. Ар кандай ойлорго малынабыз, албетте ойлоно ала турган болсок. Кимдир-бирөөгө көз артабыз, суктанабыз, бирөөлөрдү жаман көрөбүз, байлык, бийликке умтулабыз, башкалар бизди урматтаса дейбиз, биз тууралуу жаман кеп айтылса туталанып кетебиз, жакшы абазга кулак түрүп андан ырахат алабыз, жакшы нерсеге ээлик кылууга умтулабыз, анан дагы арасында сөзгө муюган, сөздүн күчүн сезе билгендар дагы бар. Мен ойлойм, андайлар көп эмес. Бирок, дүйнө ошондойлордун себебинен да өнүгүп жаткандай сезилет. Дал ошолор адамдын бир күчтүү сезими болгон страсть (кыргызчасын билбейм) сезимин улам козгоп, улам өөрчүтүп, жалаң эле курсак камын көрүп жүрүү адамды айбанаттан айырмалантпоосун эскертип тургандар деп билем. Ошону үчүн жакшы сөз көрсөм жаттап калууга тырышам, ар бир сөздөн маани издей берем (жинди окшойм), сөздү да бирөөгө айтканда мааниси жетсе деп тилейм/

"Өзүңдүн каталарыңды башкаларсыз табам десең китеп оку"
"Пайдасыз кыйнаган туман ойлордон чыгам десең китеп оку"
"Жаны жок денедей үйдө жашабайын десең китеп оку"

Дешкен экен даанышмандар.

Китеп окуй элегиме көп убакыт болуп кетиптир.
Жакындан бери улам убакыттын болушуна жараша китеп окуп жатам. Тим эле мухиттен жээкке сүрүлүп чыккан балыкка улам деңиз суусун тамызып, анын өлөйүн деп бараткан жанын тирилтип жаткандай эле абалдамын. Ушундай суусап калганымдан улам ар бир экинчи же үчүнчү барактан таасирдүү сөздөрдү таап, белгилеп коюп жатамын. Мурда деле канча деген китеп окугам, бирок, андай адатым болгон эмес. Кайдадыр шашкандай, бирөө менин аркамдан кубалап келаткандай болуп тез-тез окуп салып кийинки китепке өтөр элем. Бул жолу шашпай, улам ар бир сүйлөмгө, кубулушту же нерсени сүрөттөгөн сөздөр жан дүйнөгө майдай жагып, кайталап окуп, эгер мен жазсам ушундай жаза алар белем деген ой менен белгилеп коюп жатам.

(Белгилеп койгондорумдун баарын, инстаграм баракчамдагы актуальный статуска киргизе берем - мага окшогон даңгэсеге эрмек табылды!)

Китеп окугандарга, кыска сөзгө салмактуу маани кошо билгендерге, эң негизгиси андайды түшүнө билгендерге сыйым күч. Андай адамдар менен дос болуп, ар кайсы нерсени талкуулаштын өзү чоң ырахат эмеспи, э?

Shanson (17 Март 2018 - 21:06) жазган:

Деткалар, ошентип, бүгүн 14-март-2021 битоктун баасы 61 900 доллар болду.
Бул кетиште жай айларына 100 миң ди тээп калат го.

HODL!