Суперстан: KGZ_avtoritetka - Профилди кароо

“Аял кара күч жагынан алсыз болсо да, анын жан дүйнөсүндөгү күчтүн улуулугуна ар дайым башымды ийип келем” деген экен бир улуу инсан..
«Күчтүү адамдарга сыноо көп берилет дешет. Бирок ашыкча сыноодон сынып каламбы деп коркуп турам».
Жүрөгүмдү уйгу- туйгу кылып, тынчтык бербей жаткан менин аруу, таза ак сүйүүмдү ушул жерге баяндап берүүнү чечтим.
Сөз башынан болсун))) Бактылуу үй- бүлөнүн эрке кызымын. Үй- бүлөдө 5 бир тууганбыз. 3 кыз, 2 эркек. Ата- эне үчүн ар бир баласы таттуу эмесби... Бирок эмнегедир жаштайымдан көп ооругандыктанбы ата- энем көзүмө карап, эрке өстүрүштү. Эмнени алам десем, эмнени кийем десем эртеси эле атам алып келип берчү. Көздөгөн нерсеме жетпей калсам, үйдө ызы- чуу чыгарып, ыйлап отуруп, максатыма жетчүмүн. 6- класста окучумун. Телефон жаңы чыгып жаткан учур. Айылда анча- мынча эле адам да болбосо, көбүндө жок болчу. Телефон деген проблема башталды биздин үйдө. Алып бергиле деп туруп алдым. Ата- эне экен да өздөрү көтөрбөгөн, өмүрү көрбөгөн телефонду көп өтбөй эле мага Бишкектен алдырып беришти. Нокия 27 00 болчу телефонум. Эч кимге карматпайм, бербейм. Бир күнү телефонумду бөлмөмө зарятка койуп, эшикте майда - чүйдө жумуш кылып жүргөм. Кубалашып ойноп жүргөн синдим менен инимдин тынчып отуруп калганын байкап, бөлмөмө кирсем менин телефонумду ойноп отурушат. Бала да телефон кызык болсо керек.... Кобурашып сонун экен ээ деп кубанып, оюн ойноп жатышыптыр. Ачуум келип, эмне менин уруксатым жок кармайсыңар? , деп инимдин колунан жулуп алып, дубалды көздөй ыргытып жибердим. Жаңы алган телефонумдун эч нерсеси жок чачылып кетти. Чогулта калып ыйлап жибердим. Атам келсе силерди айтам деп. Күн батып, аска- зоом атакем жумуштан келди. Чуркап барып эле атама арызданып жаттым. Кызыгы өзүм сындырып алганымды угуп, атам урушкан жок. Кайра жаңы телефон алып бересиңер деп баштадым. Ал кезде жаш болсомда атакемдин айткан сөздөрүн ушул күнгө чейин кулагыма түйүп келем. Кызым, алтыным келчи бери сүйлөшөлү деп атам мени жанына чакырып сөз баштады..
—Сен каалаган нерсе дүйнөнүн аркы бетинде болсо да, баарын алдыңа алып келем. Болгону майда- чүйдө нерсе үчүн ыйлаба балам. Көз жашыңа чыдай албайм деп эркелетип, бетимден сүйүп койду. Эсимде ошондо атамдын да көзүндө жаш бар болчу...