Суперстан: Bek4590 - Профилди кароо

Бул чоң жаңылыштык жана зыяндуу дезинформация . Коомго эң көп пайда алып келгендер бул ишкерлер, бизнестер, бизнес кылгандар болуп эсептелет да. Кандайча экенин түшүндүрүп кетейин:

1. Ишкерлер, бизнестер деген коомго керек товаларды жасап чыгарып, адамдарга сатат (нан, тамак-аш, суу, бензин, үй, телефон, компьютер, авто, дарылар, жб). Чиновниктер кылбайт да муну.

2. Ишкерлер, бизнестер коомго керек услугаларды берет (транспорт, такси, авиа, байланыш, интернет, газета, радио, жб). Чиновниктер кылбайт да муну.

3. Ишкерлер, бизнестер деген экономиканы иштеткен күч - көпчүлүк адамдарга жумуш оорундарын ошолор берет да.

4. Ал эми мамлекеттик кызматтагыларга да жумуш бергендер ушул ишкерлер, бизнестер болуп эсептелет - анткени алардын төлөгөн салыгына мамлекеттик органдар иштеп жатпайбы. Сен мамлекетке акча кайдан келет деп ойлойсуң ? Ошол сен жаман көргөн бизнесмендердин төлөгөн салыктарынан, пошлиналарынан келет да.

5. Коомго керек мугалимдер, доктурлар, армия, милиция, пожарныйларга төлөнө турган зарплатаны мамлекет кайдан алат дейсиң? Бюджеттенби? Ал эми ошол бюджетке кайдан акча кайдан келет? Ошол бизнесмендердин төлөгөн салыктары, пошлиналары болуп атпайбы.

6. Бизнесмен өзүнүн тапканына жашайт, ал эми чиновник бюджеттеги акчага жашайт.

7. Коррупция бизнестерде же менчик компанияларда болбойт, коррупция деген мамлекеттик органдарда жана мамлекеттик ишканаларда болот.

8. Инновацияны жана илимий акыркы жетишкендиктер коомго жеке бизнестер аркылуу келет да. Мисалы Гугл же Фейсбуктун иши, же мисалы айфонду мамлекет эмес, менчик Аpple деген компания чыгарат да.

9. Анан чыныгы ишкерлер, чиновниктерге караганда эффективдүү, акылдуурак иштешет..

Менчик Бизнестер, ишкерлер көп, ал эми чиновниктер аз болгон мамлекеттер, чиновниктери көп болгон мамлекеттерге караганда байыраак жашайт ар дайым, ал мамлекеттин эли жакшыраак жашайт. Мен сени бир четинен түшүнөм- бизде көп бизнесмендер жаман адамдар. Бирок алар чыныгы бизнесмендер эмес, алар деген чынында коррупция менен байыган, мамлекеттик бюджетти уурдап байыгандар, аларды ишкерлер же бизнесмендер деп ойлобошубуз керек. Вот именно ошондойлор эч качан элди ойлобойт жана аларды бийликке жакын жолотпош керек.
Ал эми Бабанов болсо мамлекет эмес, бизнес аркылуу байыган. Бул чон разница. А мисалы Келдибеков же Текебаев дегендер, мамлекеттик кызматта журуп, коррупция аркылуу байышкан. Айрымасы асман менен жердей. Бабановтун каалаганы - кобурөөк бизнестер болсун мамлекетте, ошол аркылуу жөнөкөй эл да жумуш оорундары менен камсыз болуп, жакшы жашасын дейт. Бул деген капиталисттик көз караш жана менимче туура көз караш. А сенин ойлогонун бул социалисттик көз караш. Социалисттик коомдор (Куба, Венесуэла, мурдагы СССР) капиталисттик коомдорго караганда (Америка, Германия, Япония) ар дайым жакыр жашайт. Бирок өнүккөн капиталисттик коомдордо деле проблемалар көп, жакырлар бар, бирок иштегиси келген адам, андай коомдо өзүнө жумуш таба алат.