Суперстан: Asman1803 - Профилди кароо

Ак барак, ага тамган кыздын бетинен сызылып түшкөн тамчы жаштар. Кыз маани берген жок,сыягы көңүлү бир нерседен калып, жүрөгү муздап калгандай. Мунун баарына күбө болуп жаткан дептердин ак барагы менен калем.Калем өз кызматын кылып кыздын ийкемдүү аппак колдорунда бийлеп жатты. А кыз ак баракты сыялап ичиндеги бугун аны менен кошо көз жашын көл кылып төгүп жатты. Ошол шурудай тизилген кыздын сыры эмне болду экен?
- "сен жок жашай албайм,сенсиз менин жашоом маанисиз. Сенин көздөрүңө арбалам, сен жашоомдун жарыгысың, нурусуң. Апама эң сонун келин болуп бересиң. Мага башкалардын кереги жок!", ооба,абдан кооз сөздөр. Аңкоо ишенчээк жаным ушул сөздөргө ишенгем,убагында ар бир кыймылын жактырсам азырчы? азыр ар бир кыймылын эстесем жини келет, жек көрөм. Жек көрөм абдан көргүм жок. Ишеничиме кирип алып таштап кетти. Мен ишенгем,берилгем. Сен үчүн бүт ааламдын эркек аттуулары мен үчүн жалганчы сезилет.Тагдыр мага биринчи сыноосун ушундайча берди. Биринчи жолу анын башканы тандаганын билгендеги абалымчы ишене албай көпкө тургам. Аалам астын- үстүн болуп көзүм жашка толо түшкөн. Жигити таштап кеткенде ыйлады дегендерге ишене берчү эмесмин өзүмчү алардан өтүп кеттим го. Мага да убагында сүйүүсүн арнагандар көп болчу,а менин көзүмдү май басып сени тандагам жашоомду сени менен элестеткем. Мен ойлогондой болгон жок. Баардык нерсеге акылым жетип ушу сенин ким экениңди билбей, көрбөй калганыма таң калам. Сен мени таштаганда аалам өзгөргөн жок мен аны кеч түшүндүм ойлоп көрсөм болгону ызаланган экем. Тескерисинче сен мени бактылуу кыла турган адамга таштап кеттиң. Мен эч нерсемди жоготкон жокмун болгону белгилүү бир убактымды алдың. Кызыгы азыр сага кайсы шордуу ишенип жүрдү экен? Анын дагы жашоосуна үмүт берип жүргөндүрсүң. Мен эми адашпайм.Аз убакыт болсо да кимдин ким экенин эске салып, жашоомдо сабак болдуң" - мына кыздын ийкемдүү колдору ушуларды жазды да, жеңилдегендей боло түштү. Дептер бетин жаап келечеги жөнүндө ойлоно түштү. Чынында ал кыз бирөөгө баш ийип же бирөөнүн жардамына муктаж болгон кыз эмес эле. Сүйүүнүн көзү сокур дегендей эле бир жерден кичине жаңыла калды да кайра чыйрала түштү. Дегеним ал оңой менен моюн сунбайт.