Суперстан: Ainaz05 - Профилди кароо

Сени баары эстетет. Канча жолу болду эстебейм десем да болбогон ыр да сени эсиме салат. Түнү ыйладым,сен үчүн ыйладым. Тагдырыбыз бир болбогон үчүн ыйладым. Азыр бир жигит менен таанышып сүйлөшүп жаткам,ал биринчи сүйүүм тууралуу сурап калды, ыңгайсыз суроолорду берди, телефонду өчүрүп салып ыйладым, сенин таштап кеткениңе өкүндүм. Сен оорубасаң, апаң оорубаса эмне?.. Сен шашылыш үйлөнбөсөң эмне... Акыркы 3 жылда мынчалык жүрөгүм оорубайт эле,сен ошону билер бекенсиң. Азыр болсо аялыңдын колун кармап отургандырсың, а мен байкуш сагынуунун жолундамын

Азыркы учурда баардык жерим ооруп турат.Кыштан бери бир оору жабышкан,ошол менен алышып жатам, Орозодо чоң үмүтүм бар, ушул оорудан кутулсам экен деген. Кечээ бир акмак жүрөгүмдү да оорутту. 2 жыл мурун оорутуп кеткениң аз болго эми дагы оорутуп койдуң. Койнунда аялың бар туруп, кантип мага уялбай чалдын? Кудай алдында деле күнөө болорун билсең керек. Кылгылыкты кылып коюп, кайра мени азаптайын деп жатасыңбы?. Сен таксист болуп чыкты, эмнегедир үн, сөздөр тааныш, бирок эстөө кыйын болду. Качан гана экинчи жолу кайра чалганда эстеп кетип, тааныбаган адам болуп урушуп койдум. Сураныч, жабылган эшикти каккылаба! Аялыңа мээрим төк!

Туулган күнүмдө той болуп жаткан, сени ошол жерден жолуктурдум. Кыздын үйүндө бата той болуп жаткан,а сен болсо биздин үйгө келип намаз окуп кеттиң. Биринчи көрүп эле жүрөгүм жылыды,сыйлады, айтор байкап отуруп баарыңды жактырып калдым. Мен келинчектин жакын досу болгондуктан сен жакка жакындаш татаал болду. Кудай жалгап бир жолу бийге тарттың а бирок сен жөн гана кол чаап туруп алдың,алдыңда өзүмдү көргөзүп бийлештен тартылдым,уялдым мен да жөн гана бийлей албайм деп кар алдында тура бердик. А бирок сен бийлей албаган адам болбой эле башкалар менен бийлеп эле жүрдүң, кызганып кеттим... Сен каалоо сүйлөгөндө да өзгөчө сүйлөдүң, баарын ыйманга чакырдың. Той күнү кар жаап туруп алгандыктан шаарды кыйратып айланбадык, байкаганым сен бата тойдо свитер кийип жүрүп, эртеси костюм шым кийип ачылып кетиптирсиң. Мен дал сендей жигитти кыялдангам, бирок сага жете албадым, байкашымча сен оронгон кыздарды жактырасың сыяктуу... А бирок мен андай эмесмин, намазымды окусам да оронгон эмесмин. Той болду, тойдун эртеси да болду. Мен болсо эч кимге номер берип, терең таанышпадым деле. Бирок бүгүн мага таанышалы,мен Дастан десе жүрөгүм опколжуй, кубанып кетиптирмин, оюмда сен деп кубандым. Бирок ал сен эмес экенсиң, маанайым түшүп дароо кара тизмеге киргизүүгө шаштым. Оюмдун баары сен болуп калыптырсың. .. Билем мени издебейсиң, бактылуу бол!..

Жакында туулган күнүм болот. Бул күнү күткөн адамымды жолуктурчудай башкача сезимдер болуп жатат, бирок дайыма эле жашоо биз ойлогондой боло бербейт туура. Мен күткөн адам такыр башкача болсо,мен анын ар бир ишин сүйсөм,ал да мени сүйүп,кадырлашып, сүйүүбүз никеге жетсе,эки дүйнө бактылуу болсок, кандай сонун... Буюрса баары болот деп ишенем. Мен издеген сүйүү эртерээк жолукчу...

Jasa (27 Апрель 2018 - 16:20) жазган:

Корул деген айыл өкмөт, чоң болгондуктан сиздин досуңузду тааный албай жатам