Кыргызстандык иллюзионисттер Радислав Сафин менен Ольга Крамер Швейцарияда өтүп жаткан «Die grossten Schweizer Talente» телеберүүсүнө ка­тышып, өзгөчө номерлери менен калыс­тар­дын, көрүүчүлөрдүн сүй­мөн­чүлүгүнө арзып финалга чыгышты. Алар беш мүнөттүн ичинде Борбор Азияда жашаган 10 улуттун улуттук кийимдерин көрсөтүп беришти.

– Радислав, кайсы жылдан тартып иллюзионист болуп иштеп келе жатасыӊар?
– Бул жаатта 2012-жылдан бери иш алып баруудабыз. Жа­ӊы чык­канда эле номерлери­биз ий­гиликтүү болуп, Санкт-Пе­тер­бург, Москвада өткөн сы­нак­тар­га катышып, биринчи орун­ду алганбыз. Мындан кийин Ев­ропа өлкөлөрүндө иштөө сунушу түшө баштаган. Жакында Швейцарияда өткөн «Даӊк мү­нөтү» телеберүүсүнө катышып өнөрүбүздү тартуулап, финалга жолдомо алдык.
– Финалга чыгуу оӊойго турбаса керек?
– Биз кыргыз жеринин, элинин колоритин даӊа­за­лаган уни­калдуу оюн көр­сөттүк. Өзүм мусулман болгондуктан бул нерсе мага жакын болчу. Бул номер үчүн даярдалган буюмдардын салмагы 50 килограммды түзөт. Өнөктөшүм Ольга Крамер 5 мү­нөттө Борбор Азиядагы 10 улуттун улуттук кийимдерин көр­сөттү. Калыстар тобунун мүчөсү атактуу DJ Bobo «бизди кыргыз жергесине алып барып келгендей эле болдуӊар» деди. Номерибиз интернетке жүктөлгөндөн тарта ар улуттун өкүлдөрү бизди колдоого алышты.
– Кыргызстандыктар фокус өнөрүн кандай кабыл алышат?
– Фокус – искусстводогу эӊ оор, түйшүктүү өнөрлөрдүн би­ри. Биздин эл жеӊил-желпи өнөр катары билишет. Бирок бул ий­гилигибизден кийин кө­рүүчүлөр андай ойдон кайтат деген үмүттөмүн. Бир номер даяр­доо үчүн акы­лыӊ­ды, фи­зика­лык күчүӊдү, ка­ра­жа­тыӊ­ды жум­шай­сыӊ. Биз күн са­йын өсүүнү башкы планга коёбуз. Азыр бизде жаӊы 4 уникалдуу номер даяр.

Динара Абдыкадырова
star@super.kg