Борбор калаабызда­гы ресторандардын биринде айымдар арасын­да сулуулар сынагы өт­кө­рүлдү. Сынакта ажарлуу айымдар өзү туурасында видеоролик, өзүн тааныштыруу, дизайнерлик, улуттук жана кече кийимдерин көрсөтүү тапшырмалары боюнча ат салышты. Темирлан Сманбеков, Эрнест Абдыжапаров, Азиз Мурадиллаев, Анжелика, Замира Молдошева жана «Супер-Инфо» гезитинин шеф-редактору Сүйүн Кулматова баштаган калыстар тобу 30 айымдын ичинен 26 жаштагы Таӊсулуу Өмүрзакованы жеӊүүчү деп табышты. Ал Беларуста өтчү «Дүйнөнүн сулуу айымы» сынагына жолдомо алды. «Жолдошумдун сүйүктүү жары, 7 жаштагы кызымдын апасымын. Сынакта жеӊишке жетем деп күткөн эмесмин. Эми мага ишенип тапшырылган жолдомо менен өлкөбүздүн намысын коргоп келем»,- деди толкунданган Таӊсулуу Өмүрзакова.
«Бул сынак экинчи жолу өт­кө­рү­лүп жатат. Би­рин­чисин­де катыша турган айымдарга сөзсүз түрдө үй-бүлөлүү болуу шарты коюлган. Быйылкы сынакта андай талап болгон жок, турмушка чыгып, ажырашып кеткен айымдар да сулуулугун көр­сөтө алышты»,- дейт сынактын уюштуруучусу Рыскүл Намазбе­кова.

Динара Абдыкадырова
star@super.kg