29-декабрда "Кыргызстан сулуусу-2020" сынагы өтүп, жеңүүчү деп 20 жаштагы Лазат Нуркожоева табылып, BMW Х5 унаасына ээ болду. Жеңүүчү кыз Кыргыз Республикасынын президенттигине талапкер Садыр Жапаровдун иниси Давлет Жапаровдун кызы экени айтылып, коомдо ар кандай пикир жараткан. Лазат Нуркожоева аталган сынак тууралуу буларга токтолду:

– Садыр атам менин бул сынакка катышканымды билген эмес. Бул сынакка кастинг сентябрь айында башталган. Ал учурда баары билгендей эле Садыр атам абакта болчу. Ал октябрь айында чыкты, ал учурда сынактын жарымына жетип калганбыз. Ал мен жеңип алгандан кийин гана билди. Бул жерде мен утам деп деле ойлогон эмесмин. Жогоруда айткандай, жарым финалга келип калгандан кийин катышууну туура көрдүм. Азыр туугандарыбыздын баары сыймыктанып жатышат.