22-октябрь, 1965-жылы V чакырылыштагы "Ата Журт" фракциясынан Жогорку Кеңештин депутаты Элмира Иманалиева туулган

Жогорку билимдүү. 1988-жылы М.В.Ломоносов атындагы Москва мамлекеттик университетинин философия факультетин бүтүргөн.

Эмгек жолун 1988-жылы Кыргыз мамлекеттик университетинде (КМУ) окутуучу болуп баштаган. 1990-жылдан 1993-жылга чейин - КМУнун аспиранты,

1993-жылдан 1999-жылга чейин - Бишкек шаарынын Биринчи Май райондук билим берүү бөлүмүнүн башчысы,

1997-жылдан 1999-жылга чейин - Кыргыз Республикасынын Жогорку Кеңешинин Эл өкүлдөр жыйынынын Социалдык маселелер боюнча комитетинин бөлүмүнүн эксперти,

2001-жылдан 2003-жылга чейин - Бишкек шаарынын Биринчи Май райондук билим берүү борборунун директору,

1999-жылдан 2001-жылга чейин - Кыргыз Республикасынын Президентине караштуу Монополияга каршы саясат боюнча мамкомиссиянын бөлүм башчысы,

2003-жылдан 2005-жылга чейин - Бишкек шаарынын мэриясынын Биринчи Май райадминистрациясынын башчысынын орун басары,

2005-жылы - Бишкек шаарынын мэриясынын Ленин райадминистрациясынын башчысынын орун басары,

2005-жылдан 2008-жылга чейин - Кыргыз Республикасынын билим берүү министринин орун басары,

2008-жылдын сентябрынан ноябрына чейин - Бишкек шаарынын мэриясынын Билим берүү башкармалыгынын начальниги,

2008-жылдан 2010-жылга чейин - Бишкек шаарынын социалдык маселелер боюнча вице-мэри,

2010-2011-жылдары - Кыргыз Республикасынын Убактылуу Өкмөтүнүн Аппаратынын Билим берүү, маданият жана спорт бөлүмүнүн башчысы болуп иштеген.

Ал эми 2010-жылдын октябрында “Ата Журт” саясий партиясынын тизмеси боюнча V чакырылыштагы Кыргыз Республикасынын Жогорку Кеңешинин депутаттыгына шайланган. Жогорку Кеңештин Билим берүү, илим, маданият жана спорт боюнча комитетинин төрагасынын орун басары.