4-июнь, 2001-жылы Непалда ханзаада Дипендра бүт үй-бүлөсүн аткан соң өзүн да атып салган

Непалдын борбору Катмандуда ханзаада Дипендра Бир Бикрам Шах 29 жашында көз жумган. 

Ханзаада Дипендранын атасы падыша Бирендра жана үй-бүлө мүчөлөрүнүн дээрлик бардыгы каза болгон. Белгилүү болгондой, 2001-жылы 1-июнда падышанын үй-бүлөсү салттык түштөнүүгө чогулган. Анда чогулгандарды пикир келишпестиктен улам ханзаада Дипендра атып, өзүн өзу да атып, комага түшкөн. Атасы уулунун колунан көз жумган күндөн тартып Дипендра комада жаткан 3 күн ичинде ал расмий түрдө падыша деп саналган. Расмий эмес маалыматтарга караганда, Дипендрага үйлөнүү үчүн апасы сунуштаган кызы жакпай калган. Апасынын тандоосун четке кагып, атасы Бирендраны, апасын, агасы менен карындашын атып салган.