19-август, 1969-жылы V чакырылыштагы "Республика" партиясынан Жогорку Кеңештин депутаты Чолпон Султанбекова төрөлгөн

V чакырылыштагы "Республика" партиясынан Жогорку Кеңештин депутаты Чолпон Султанбекова Бишкек шаарында төрөлгөн. Билими – жогорку. 1986-жылы Москва шаарындагы Мичурин атындагы Мамлекеттик педагогикалык иститутуна тапшырган. 1991-жылы Бишкек мамлекеттик институтунун орус тили жана адабият адистигин бүтүргөн. 2006-жылы Кыргыз мамлекеттик юридикалык академиясынын юриспруденция адистигин, 2007-жылы Кыргыз Республикасынын Тышкы иштер министрлигинин алдындагы Дипломатиялык академиясынын эл аралык мамилелер адистигин бүтүргөн.

Эмгек жолу:

1991-жылы - Жалал-Абаддагы Жарандык абалдын актыларын каттоо бөлүмүнүн (ЗАГС) жетектөөчү адиси;

1995-2010-жылдары – "Палван" жоопкерчилиги чектелген коомунун директору;

1998-2010-жылдары – "Алмаз" акционердик коомунун башкармалыгынын төрайымы;

2000-2001-жылдары – Кыргызстан аялдар конгрессинин түштүк регион боюнча президенти;

2003-2005-жылдары – "Кыргыз соода биримдиги" жоопкерчилиги чектелген коомунун директору;

2005-жылы – "Экогармония женщин" коомдук бирикмесинин түзүүчүсү;

2004-жылы – Азия боюнча (Азиялык) "Алыш" бел боо күрөш федерациясы коомдук уюмунун президенти,

2005-жылы – Эл аралык "Алыш" бел боо күрөш федерациясынын президенти, 2007-жылдан баштап бул федерациянын ардактуу президенти;

2010-жылы октябрь айында - "Республика" саясий партиясынан Кыргыз Республикасынын Жогорку Кеңештин V чакырылыштагы депутаты;

2011-жылы – Кыргыз Республикасынын Жогорку Кеӊешинин Жаштар саясаты, дене тарбияны өнүктүрүү жана спорт боюнча комитетинин төрайымы;

2012-2013-жылдары – Кыргыз Республикасынын Жогорку Кеӊешинин Билим берүү, илим, маданият жана спорт боюнча комитетинин төрагасынын орун басары;

2012-жылдын июль айында - Кыргыз Республикасынын Жогорку Кеӊешинин "Республика" фракциясынын жетекчисинин орун басары;

2013-жылдын июнь айынан баштап Жогорку Кеңештин вице-спикери.

(57 жыл мурун)

Комментарийлер(0)

Комментарий калтыруу үчүн өз ысымыңыз менен кириңиз же каттоодон өтүңүз.

Бөлүмдүн статистикасы

соңку 15 мүнөт ичинде колдонуучу (Катталган: , коноктор: ) бул окуяга кирди:

Окуялар:: 9089;