22-февраль, 1908-жылы Венесуэланын эки жолку президенти Ромуло Бетанкур туулган

Венесуэланын эки жолку президенти Ромуло Бетанкур Гуатира шаарында төрөлгөн. Бетанкур студент болор алдында Висент Гоместин диктатурасына каршы демонстрацияга катышып, анын айынан 1928-жылдын февралында түрмөгө камалган. 1936-жылы Висент Гоместин өлүмүнөн кийин бийликке генерал Элеасар Лопестин келиши менен Бетанкур Венесуэлага келип, 1941-жылы "Демократиялык аракеттер" оппозициялык партиясын түзүп, анын лидерлеринин бири болгон. Өлкөдөгү мамлекеттик бурулуштардан соң анын партиясы өлкөнү башкарып, ал 1948-жылга чейин президент болуп иш алып барган. 1948-жылы аскердик бурулуштун жыйынтыгы менен бийликке генерал Маркос Перес келип, Бетанкур башка өлкөгө чыгып кеткен. 1958-жылы Хименести кулатуудан кийин өз өлкөсүнө келип, ошол жылдын февраль айында кайрадан мамлекет башына келген. 1981-жылы 28-сентябрда жарык дүйнө менен коштошкон.   (118 жыл мурун)