8-август, 1916-жылы Пишпек уездинин жетекчиси Ф.Г.Рымцевичтин рапортуна караганда Атаке болуштугунда башталган кыймылга сарыбагыш болуштугунун жаштары кошулган

Пишпек уездинин жетекчиси Ф.Г.Рымцевичтин рапортуна караганда, Атаке болуштугунда башталган кыймылга сарыбагыш болуштугунун жаштары кошулган. Анын айтымында, Кемин суусунун бир тарабына атакеликтер, экинчи жагына сарыбагыштыктар топтолушуп, ал эми көпүрөгө эки болуштуктун аксакалдары, молдолору чогулушкан.

Эки жактын кадырлуу өкүлдөрү сөз сүйлөшүп, кырдаал туурасында маалымат беришкен. Атаке болуштугунан чыккан Белек Солтоноев "орустарды талап, аларды Ташкенге чейин кууш керек же жерибизде жексен болушубуз керек" деп жар салган.