21-август, 1916-жылы Токмокту камаган кыргыздарга Канаат баштаган 400 чамалуу адам келип кошулган

Токмокту камаган кыргыздарга Канаат баштаган 400 чамалуу адам келип кошулган. Алар Кочкордон чыгып, Чүйгө Шамшы ашуусун ашып келишкен. Канаат баатыр адамдары менен мындагы Шамшы, Тынай, Бурана, Нурмамбет болуштугунан топтолгон кыргыздар менен биргелешип шаарга бекинген аскерлерге каршы тынымсыз чабуул коюп турушкан.

Белек Солтоноевдун жазганына караганда Атаке сарыбагыштарынан кайткан уезддик аскер башчы Бурананын алдындагы Мусакожонун мечитине жакын Ажыбек кашатка замбирек орнотуп ата баштаган. Мурда замбирек көрбөгөн эл аскерге даап кол салалбай турган. Орустар замбирек менен аткылап, кечинде Токмокко кирип кетишкен.