21-февраль, 1613-жылы Земск собору падышалык такка Михаил Фёдорович Романовду отургузуп, Орусия мамлекетинде Романовдордун династиясы орногон

Земск собору падышалык такка Михаил Фёдорович Романовду отургузган. Ошентип Орусия мамлекетинде Романовдордун династиясы орногон. Орусиянын тарыхында Михаил Фёдорович Романовдун падышалык башкаруусунун баштапкы жылдары өлкөдөгү абал айрыкча оор болгон. Мамлекеттин казынасы бошоп, өлкөнүн ар кайсы аймагында казак орустары менен поляк бандалары козголоң чыгарып турушкан. Астраханда Заруцкий менен Марина Мнишектер, Смоленскиде поляктар, Новгородду шведдер ээлешип, алар мамлекеттик саясат жана бийлик менен эсептешкен эмес.  (413 жыл мурун)