19-февраль, 2003-жылы Австриялык хирургдар алгачкы жолу адамдын эки колун тең удаа алмаштыруу операциясын ийгиликтүү жасашкан

Франц Ямниг аттуу 41 жаштагы адам эки жарым жыл мурун жол кырсыгына кабылып, эки колунан айрылып калган. Инсбрук университетинин клиникасында 14 саатка созулган операция 25 эксперттин жана төрт хирургиялык бригаданын катышуусунда жасалган. Алар Франц Ямнигге каза болгон башка адамдын эки колун салышкан.