16-август, 1960-жылы Теодор фон Кармандын демилгеси менен Эл аралык астронавтика академиясы түзүлгөн

Эл аралык астронавтика академиясы- космостук изилдөөлөрдү жургүзгөн алдыңкы катардагы окумуштууларды жана инженерлерди бириктирген эл аралык коомдук мекеме. Бул академия Теодор фон Кармандын демилгеси менен түзүлүп, 1996-жылы БУУ тарабынан бекитилген. Академиянын максаты - космостук мейкиндикти изилдөөгө көмөк көрсөтүү жана аны тынчтык максатында колдонуу. Академиянын алдында Acta Astronautica журналы чыгып турат жана астронавтиканын ар кандай багыттарын изилдеген 30дай топ бар. 2008-жылы академияда 75 өлкөдөн 1220 мүчөсү болгон.