Борбордо балдарга пластилин менен сүрөт тартуу техникасын үйрөтүштү

Бишкектеги Гапар Айтиев атындагы Кыргыз улуттук көркөм өнөр музейинде балдар үчүн мастер-класс өткөрүлдү. Бул тууралуу бүгүн, 10-февралда аталган музейден билдиришти.

Иш-чарага 5 жаштан 14 жашка чейинки балдар катышып, “Мультфильмдеги каармандар” деген темада пластинография техникасын үйрөнүштү. Ошондой эле кум графикасы менен таанышууга мүмкүнчүлүк алышты.

Белгилей кетсек, иш-чара “Музейдеги жуманын таттуу аягы” аттуу музей менен тааныштырууга багытталган программанын алкагында уюштурулду.