Өзгөндөгү "Сары-Таш" кенин иштетүү лицензиясы аукционго коюлат

Ош облусунун Өзгөн районундагы "Сары-Таш" кенин иштетүү (баалуу ак таш кени) лицензиясы аукционго коюлат. Бул тууралуу 10-февралда өкмөткө караштуу Геология жана минералдык ресурстар агенттигинен билдиришти. Аукцион быйыл 26-мартта Өзгөн районунун Түз-Бел айылындагы Турдубаев орто мектебинде өтмөкчү. Аталган кенди иштетүү укугуна ээ болууну каалагандар аукционго катышуу үчүн документтерин 20-марттан кечиктирбей бериши керек. Документтерди кабыл алуу дареги: Бишкек шаары, Эркиндик бульвары-2, 225-бөлмө.