Бишкекте ырчы Арсендин клиптеринин бет ачары өтүүдө

Бүгүн, 11-февралда борбор калаадагы эс алуучу жайлардын биринде кыргыз эстрада ырчысы Арсен чыгармачылык кечесин тартуулап, анда жаңы тартылып бүткөн 3 клибинин бет ачары өтүүдө. Кечеге кыргыз шоу дүйнөсүнүн өкүлдөрү Бакыт Байсариев, Эрмек Нурбаев, Санжар Мыкыев, Урмат Усенов, Неля, Акбар Сүйүнбаев, Максат Бегалиев, Жийдеш жана башкалар келишти.

Арсен мырзанын айтымында, кеченин максаты - чыгармачыл чөйрөдөгү санаалаштарынын ортосундагы ынтымакты, достукту бекемдөө.

Бул кечеде ырчынын жаңы даярдалып жаткан альбомундагы “Сени издеп”, “А бирок билбейсиң”, “Кыргыз жерин даңктайлы” аттуу ырларына тартылган клиптери көрсөтүлүүдө.