Бишкекте "Тамашоунун" Кышкы фестивалы старт алды

Бүгүн, 12-февралда Спорт Ордосунда "Тамашоу" долбоорунун 7-сезонунун Кышкы фестивалы өтүп жатат. Долбоордун президенти Эрмек Нурбаев сахнага чыгып, фестивалга катышып жаткан 16 команданы эл алдына чакырды. Алар: “Рота”, “Тамашарики”, “Багыт”, “Арабаев”, “Олимпик”, “НКБ”, “National”, “Универсал”, “Позитифф”, “Евраш”, “Brooklyn”, “Ошингтон”, “Кыргыз двор”, “Элестет”, “Ассорти”, “IUK” командалары. Жаш өнөрпоздор бул фестивалда “Курт-кумурскалар менен күрөшүүнүн альтернативдүү жолдору” деген теманын алкагында тамашаларын көрсөтүшөт. 

Бул жолу таланттуулардын өнөрлөрүнө "Супер-Инфо" гезитинин башкы редактору Дамира Арстанова, дизайнер Замира Молдошева, ырчылар Омар, Урмат Усенов, "тамашоучулар" Самат Эркинбеков, Мурат Жалиев, юрист Жоомарт Жолдошев баа беришет.