Колун кокустатып алган Айсулуу Тыныбекова акыркы 20 күндөн бери олуттуу машыга элек

Кошумчалай кетсек, А.Тыныбекова 1 ай мурун Орусияда чыгаан балбан Иван Ярыгиндин жаркын элесине арналган эркин күрөш боюнча эл аралык мелдеште 58 килограмм салмакта кыз-келиндер арасында 2-орунду ээлеп калган. Мунун себеби жаракатка байланыштуу экенин ал буга чейин айтып келген. "Финалдык беттеш кызуу өтүп жаткан маалда чыканагым чыгып кетти. Колум дароо шишип, беттешти токтотууга туура келген. Алгачкы медициналык жардам көрсөтүлгөнү менен, дарыгерлер чет жактан келген спортчулардын жоопкерчилигин алуудан сестеништи окшойт. Ал күнү кечинде колго гипс салдырдык. Учурда чуркап, жеңил гана машыгууларды өткөрүп жатам. Кол айыкканга чейин күрөшкөнгө тыюу салынган",- дейт спортчу. 

Спортчу кошумчалагандай, гипс жакында гана чечилди. Негизи, мындай жаракаттан соң күрөшүүгө 20-30 күндөн кийин уруксат берилет.