Өзгөндө жер алдынан чыккан суулардан улам эки турак жай коопсуз жайга көчүрүлөт

Өзгөн районунун Куршаб айылынын Поворот аймагынын 1-Май көчөсүндөгү автоунаа жолунун жогору жана төмөн жагында жайгашкан 13 турак үйдүн алдыларын жыл сайын жер алдынан чыккан суу каптайт. 12-13-февралда жаап өткөн жаандын кесепетинен да бул аймакты суу каптаган. Буга Өзгөн районундагы Өзгөчө кырдаалдар министрлигинин Өрт-куткаруу кызматы тарабынан тиешелүү чаралар көрүлгөн. 

14-февралда ӨКМнын Мониторинг департаментинин адистери Райондук жарандык коргонуу комиссиясы менен биргеликте жеринде изилдөө иштерин жүргүзүшүп, Омок Оморбеков жана Канат Исраиловдун турак жайын коопсуз жайга көчүрүү боюнча чечим кабыл алышты.