Кыргызстандык Олимпиада чемпиону Александр Мелентьев дүйнөдөн кайтты

Бүгүн, 16-февралда Олимпиада чемпиону, кыргызстандык Мелентьев Александр Реммович дүйнөдөн кайтты. Бул тууралуу Дене тарбия жана спорт боюнча мамлекеттик агенттиги билдирди. 

"Александр Реммович көрүнүктүү спортчу жана машыктыруучу, анын колунан бир топ белгилүү аткычтар тарбияланган. Ал аракетчил, ак ниеттүү, кайраттуу адам болгон.

Александр Мелентьев 1954-жылдын 27-июнунда Орусиянын Пенза шаарында туулган. Ал Кыргыз мамлекеттик дене тарбия институтун машыктыруучу адистигинде окуган. Эл аралык даражадагы спорт чебери, СССРдин Эмгек сиңирген спорт чебери, ок атуу спорту боюнча 1980-жылы Москва шаарында өткөн Олимпиада оюндарынын чемпиону. Европа жана дүйнө рекордчусу, СССРдин чемпиондугун 1980-жылдан 1988-жылга чейин катары менен утуп, кайталангыс рекорд койгон",- деп билдирет аталган агенттик.