"Супер-Инфонун" фотокабарчысы Ташболот Досалиев "Акыйкат" медалы менен сыйланды

Бүгүн акыйкатчы Турсунбек Акун журналисттерди кесиптик майрамы менен куттуктап, "Акыйкат" медалы менен 6 журналистти сыйлады. Анын ичинде Сүрөтчүлөр союзунун мүчөсү, "Супер-Инфо" гезитинин фотокабарчысы Ташболот Досалиев да "Акыйкат" медалына ээ болду. "Урматтуу журналисттер! Сиздердин эмгегиңер коомдо чоң роль ойнойт. Талыкпай эмгек кылып, мекенге салым кошуп жатканыңыздар үчүн силерге ыраазычылыгымды билдирем. Узун өмүр, бакыт-таалай жана ийгиликтерди каалайм",- деп айтылат акыйкатчынын куттуктоо сөзүндө.