Жарандын өзүн, унаасын текшерүү үчүн Баңгизаттарды көзөмөлдөө органынын кызматкерине укук берилмекчи

Бүгүн, 17-февралда парламенттин Мыйзамдуулук, укук тартиби жана кылмыштуулук менен күрөшүү комитети баңгизаттарды көзөмөлдөө боюнча түзүмдүн кызматкерине кылмышка шектүү адамды текшерүүгө укук берүү боюнча мыйзам долбоорун үчүнчү окууда жактырып, Жогорку Кеңештин кароосуна жөнөттү. 

Аталган мыйзам долбооруна ылайык, баңгизаттарды көзөмөлдөө боюнча түзүмдүн кызматкерине, эгерде укук бузууга же кылмышка шектенүүгө жетиштүү негиздер бар болсо, жеке адамды текшерүүгө, кол жүктөрүн, багажды жана унаасын текшерүүгө, протоколдорду түзүүгө, буюмдарды жана документтерди алып коюуга укук берүү жагы каралууда.