Өлкөдө баңгизатына көз каранды адамдар үчүн 1966 байланыш кызматы иштей баштады

Өлкөдө баңгизатына көз каранды адамдар үчүн байланыш кызматы иштей баштады. Баңги азабынан кутулууну каалагандар "Наркологиядагы альтернатива" коомдук фондуна 1966 кыска номери аркылуу байланыша алат. Чалуу акысыз. Кайрылган жарандарга тажрыйбалуу врач, нарколог кеп-кеңеш берип, тийиштүү жардам көрсөтөт. Саламаттыкты сактоо министрлиги билдиргендей, телефон чалуулар жекшемби күндөн башка учурда саат 9:00дөн 18:00гө чейин кабыл алынат.