АКШнын USAID уюму өлкөдөгү 17 кийим тигүүчү ишканага 650 миң долларлык заманбап жабдыктарды тапшырат

12-февралдан 14-мартка чейин USAID уюму Кыргызстандагы 17 кийим тигүүчү ишканага тигүүчүлүк өндүрүшүнө керектүү заманбап  жабдыктарды тапшырат. Бул тууралуу АКШнын Кыргызстандагы элчилигинин басма сөз кызматы билдирди. Бишкек шаарында, Чүй, Ысык-Көл жана Ош облустарында иштеп жаткан тигүү ишканаларына берилчү жардамдын баасы 650 миң долларды түзөт. Анда ишканаларга компьютердин жардамы менен кийим шөкөттөө системи, лазер менен кийим бычуучу жана моюн орогуч токуучу машинасы берилмекчи.