Орусияда жогорку квалификациялуу адистер, ал жактагы студенттер орус тили сынагынан бошотулушкан

Учурда орус тили, Орусиянын тарыхы жана мыйзамдары боюнча милдеттүү түрдө тест тапшыруу чет элдик мигранттар үчүн 2015-жылдын 1-январынан тарта киргизилген. Бирок ал 3 категориядагы мигранттар үчүн каралган эмес. Бул тууралуу бүгүн, 18-февралда маалымат жыйынында Тышкы иштер министрлигинин Консулдук департаментинин директору Арслан Үмөталиев билдирди. Анын айтымында, айтылган категорияга жогорку квалификациялуу адистер, Орусияда окуган студенттер жана 1991-жылдын 1-сентябрна чейин, башкача айтканда, СССР учурунда орто мектептен тышкары билимге ээ болгондор жогорудагы сынакты тапшырбай эле патент алып, ишке орношо алышат.

Айта кетсек, тесттин баасы 5 миң рублдун тегерегин түзөт. Ал эми алынган сертификат 5 жылга жарактуу.