Гезиттерде жарнамаларды эки тилде чыгарууну токтотууга багытталган мыйзам долбоорун парламент 1-окууда жактырды

Айта кетсек, “Жарнак жөнүндө” КРнын мыйзамына толуктоо киргизүү тууралуу” мыйзам долбоорунун демилгечиси Өмүрбек Текебаев билдиргендей, азыркы тапта мезгилдүү басылмалар бүткүл дүйнөдө кризиске учурап жатышат. Мыйзам боюнча, бүгүн гезиттер жарнаманы кааласа-каалабаса дагы кыргызча-орусча басып чыгарышы керек болууда. Мындай жагдайда гезитте көп көлөмдү ээлеп калып жатат жана кошумча каражатты талап кылат.

Андыктан сунушталган мыйзам долбоору аркылуу “Жарнак жөнүндө” мыйзамдын 5-беренесинин 3-пунктуна мезгилдүү басылмалардагы жарнама ал басылма чыгарылган тилде жана жарнама берүүчүлөрдүн каалоосу боюнча кошумча башка тилдерде жайылтылышын караган ченемди киргизет.

Ал эми мурдагы талап көчөдөгү көрнөктөргө, телеканалдардагы жарнамаларга кала берет. Себеби аларда көлөм чектелбейт, кошумча каражат талап кылынбайт.