Депутаттар айыл өкмөттөрүн текшерүүгө убактылуу тыюу салууну демилгелешүүдө

Бүгүн, 19-февралда парламент жыйынында айыл өкмөттөрүн, жергиликтүү башкармалык, мекемелерди текшерүүгө мораторий (убактылуу тыюу салуу) жарыялоо сунушталды.

Депутат Мирлан Бакировдун айтымында, депутаттык комиссия тарабынан жүргүзүлүп жаткан текшерүүлөр жергиликтүү бийликтин иштөө тартибине тоскоол болуп жатат. "Бир эле айыл өкмөтү 50-60 жолу текшерилип жатат. Текшерүүлөр айрыкча майрам күндөрү көбөйүүдө",- деди депутат.