Депутаттар кыргызстандык мигранттарды Орусиядагы сынактардан бошотууну сунушташууда

Бүгүн, 19-февралда парламент жыйынында депутат Турсунбай Бакир уулу Орусиядагы кыргызстандык мигранттарды Орусиянын тарыхы жана орус тили боюнча сынактан бошотууну сунуштады.

Анын айтымында, Борбор Азиядагы улуттардын арасынан кыргыздар - орус тилин эң мыкты билгендер. "Май айында биз Евразиялык экономикалык биримдикке киребиз. Орусия биздин мекендештерибизге көмөк көрсөтсө болмок. Премьер-министр, Тышкы иштер министрлиги аркылуу бул мамлекеттен ушуну сурануу керек",- деди депутат.