Туристтик сезон башталганга чейин Балыкчы-Каракол жолунун айрым тилкелерин оңдоо керектиги айтылды

Бүгүн, 19-февралда Жогорку Кеңештин депутаты Данияр Тербишалиев Ысык-Көл облусунун тургундары менен болгон жолугушууда Балыкчы-Каракол жолунун абалы боюнча маселе көтөрүлгөндүгүн маалымдады. Бул тууралуу Жогорку Кеңештин басма сөз кызматы билдирди. 

Эл өкүлү жайкы туристтик сезон башталганга чейин Балыкчы-Каракол жолун, ошону менен катар Каркыра-Кеген жолунун 1 чакырым тилкесин оңдоо керектигин өкмөткө жолдоду. 

Мындан сырткары жергиликтүү башкаруу органдарынын Балыкчы-Каракол жолун КРнын Транспорт жана коммуникациялар министрлигинин балансына өткөрүү боюнча өтүнүчтөрүн билдирди. Себеби азыркы тапта бул жол жергиликтүү бийликтин балансында. Ал эми жергиликтүү бийликтин жолду оңдоого каражаты жетпейт.