Аида Саляновага Манас ордени тапшырылды

Мурунку башкы прокурор Аида Саляновага II даражадагы Манас ордени тапшырылды. Наамды экс-башкы прокурорго президенттик аппараттын башчысы Данияр Нарымбаев бүгүн, 20-февралда тапшырганын президенттик аппараттан билдиришти. Нарымбаев орденди тапшыруу аземинде Кыргызстанда кылмыштуулукка каршы күрөшүүгө, анын ичинде коррупция менен күрөшүүгө Аида Салянова олуттуу салым кошконун белгиледи. 

Президенттик аппараттын жетекчиси экс-башкы прокурордун жеке сапаттары өлкөдө коррупция менен күрөшүүнү жаңы деңгээлге чыгарганын баса белгиледи. 

Эскерте кетсек, 11-февралда маалымат жыйын өткөргөн Аида Салянова "Мен тууралуу "Манас орденин алуудан баш тартты" деген маалыматтар чыкты. Бул жалган, мени эч ким Манас орденин алууга чакырган эмес, чакырса бармакмын" деп билдирген.