Азимбек Бекназаров: "Аида Салянова кызматтан кетсе, мыйзам баарына бирдей иштейт деп ишендим эле, бирок андай болбоду”

Депутат Ахматбек Келдибековдун жактоочусу Азимбек Бекназаров аталган депутаттын үстүнөн козголгон кылмыш ишине байланыштуу кезектеги сот жыйынынын жүрүшүнө нааразы. Сот Келдибековду актайт деген үмүттө келгенин айтат жактоочу. “Мурдагы башкы прокурор Аида Салянова кызматтан кеткенден кийин мыйзам баарына бирдей иштеп калат деп ишенген элем, бирок андай эмес экен. Бүгүн кайрадан депутаттын баш коргоо чарасын өзгөртүүнү суранып жатат. Мыйзамда жазылган, “эгерде айыпталуучу качып кетсе, баш коргоо чарасы өзгөртүлөт” деп. Келдибеков сотту сыйлап, качпай келди, эми акыйкаттык кылгыла”,- дейт Бекназаров.