super.kg logo

"Күнөсканадан түшүм алуу оңой эмес, эки жолу отургузган уруктарды өлтүрүп алдык" дейт ишкер айым

 
Күнөскананын ичине эки жылытуучу меш орнотулган.
Көчөттөргө керек болгон жер семирткичтер.
Көчөттөргө керек болгон жер семирткичтер.
Жердин температурасы 20 градустан ылдый болбошу зарыл. Эгер андан төмөндөп кетсе, бул урукту же көчөттү зыянга учуратат.
"Учурда күнүгө чыккан жалбырактарды санап, ага кам көрүү менен алектенип жатабыз",- дейт И.Шейшекеева.
Күнөскананын ээси Индира Шейшекеева.
Бул балдар убактысы болгондо эле күнөскананы көздөй чуркашат.

"Күнөскананы өздөштүрүп, түшүм алуу оңой эмес экен, буга чейин 2 жолу отургузган уруктарыбызды өлтүрүп алдык. Учурда үчүнчү жолу урук сээп, жалбырак байлаганына сүйүнүп жаткан учурубуз". Бүгүн, 23-февралда SUPER.KG порталына борбордогу жаңы конуштардын бириндеги күнөскананын ээси Индира Шейшекеева маек куруп, күнөсканадагы түйшүктүү жумуштары менен тааныштырды. 

Борбор калаанын Аска-Таш конушундагы турак үйлөрдүн биринин короосунда 1 ай мурун күнөскана пайда болду. Жолдон ары-бери өткөндөрдүн кызыгуусун арттырган күнөсканага биз да баш багып кайттык. Ичине киргенде эле абанын ысыгынан делдирей түшөт экенсиң. Сыртта күн чайыттай тийбегени менен, күнөскананын ичиндеги абанын температурасы 32 градус ысык. Бирин-серин чыккан бадыраңдын көчөттөрү боз топуракты жашыл түсү менен кооздоп тургандай. Ал эми үй ээси аябай сүйүнүп, канчалаган уйкусуз түндөрүнүн үзүрүнүн алгачкы белгилери экенин айтат. 

“Буга чейин эмне менен алектенсек деп көп ойлондук. Тигүү цехин, ашкана ачуу жана дагы башка ойлорго азгырылдык. Акыры корообузда бекер жаткан жерди иштетип, күнөскана куруп, жашылча-жемиштерди өстүрүүнү туура көрдүк. Алгач 400дөй урук отургузганбыз. Бирок жарыктандыруу туура эмес болуп, 400 түп бадыраң өспөй калды. Кийин дагы 300 урук септик, анда катуу суук болуп, аны үшүк алып кетти. Анын үстүнө помидор менен бадыраңды аралаштырып өстүргөнгө болбойт экен. Эки жолку эмгегибиз ушинтип болбой калганда ыйлаган дагы күнүбүз болду. Канча эмгек кетти деп аябай капаланганбыз. Бул үчүнчү жолу урук себишибиз, буюрса, баары ойдогудай келатат. Мында 280 урук сепкенбиз, анын ичинен 215 урук өнүп, жалбырак байлады, калгандарын кумурска жеп салды. Азыркы учурда күн-түн дебей ушул күнөскана менен алек болуп жатабыз. Март айынын 28ине барып биринчи түшүмдү алабыз. Ага чейин талыкпай эмгек кылуу керек”,- дейт И.Шейшекеева.

Анын айтымында, күнөскананы курууга жалпы 2,5 миң доллар акча каражаты сарпталды. Анын узундугу 15 метр, туурасы 5 метрди түзөт. Сырты үч кат ар кандай калыңдыктагы полиэтилен целлофан менен оролуп чыккан.  

“Күнөскана деп оңой айтылганы менен, бул көптөгөн аракетти, эмгекти талап кылат экен. Биздин беш балабыз бар, анан кээде күлүп калам, балдарымды караганга да азыраак убактым кетет экен деп. Башында аябай кыйналдык. Катуу суукта 30 мүнөт сайын кароо керек, ал эми мындай күндөрү 2 саатта бир кароо керек. 

Күнөскана куруу менен өзүбүз үчүн көптөгөн жаңылыктарды ачтык. Мисалы, топурак оорулуу болорун билчү эмеспиз. Көрсө, топурак да ооруйт экен, ар кайсы жердин топурагы ар кандай болот экен. Биринен өсүмдүк жакшы өссө, биринен өспөй, тескерисинче, куурап калат. Анан эң негизги нерсе, абанын температурасы 30 градус ысыктан ашпай жана 15 градустан төмөн болбошу зарыл. Эгер ысык 30дан ашса жана 15тен ылдый болсо, анда көчөттөр саргарып, өлүп калат”,- дейт И.Шейшекеева.  

Күнөскананын ээсинин айтымында, бир түп көчөттөн 4 килограммга чейин түшүм алууга болот. Бул буга чейин көп жылдан бери күнөскана менен иштеп келаткандардын тажрыйбасы. Ал эми көп жылдан бери күнөсканаларды иштетип, аны жөнгө салып алгандар жылына 60 миң долларга чейин киреше табышат. 






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 3 
Комментарийлер(8)
23.02.2015. 19:50 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
+4
Куноскана ачып туура иш баштапсыз чет олкого барбай эле экономиканы которуп ушул жерден кире ше тапса болот азамат сыз
23.02.2015. 20:58 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
+4
Жакшы ийгилик эже
23.02.2015. 21:26 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
+3
Ак эмгегиңиздер менен башкаларга үлгү болуп жатыпсыздар, эмгегиңиздердин үзүрүн көрүңүздөр...
23.02.2015. 21:27 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Эженин ишинк ийгилик ! Келечекте агроном адис катары менден эжеге бир кенешимди жазып кетейн деп чечтим . Сиз урондорду биринчи кочоь кылып остуруп алып 10 -15 см которулгондо топураккп отургузаныз чыгашага учурабайсыз. Ал эми топурак компост мн отургузсаныз осумдуктун осушу жакшырат.
24.02.2015. 06:31 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Ishinizderge uiguluk kaalaim orkundom ozo berinizder
24.02.2015. 09:37 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
+2
Дунгандардан да кенеш алып берсенер болмок супер кей жи
Же алар секретин айтпайбы бизге
24.02.2015. 10:10 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
+1
ularbek89, Саламатсызбы!
Сунушуңузга рахмат, аракет кылабыз.
24.02.2015. 11:10 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Ишиңиздерге ийгилик, Ак эмгегиңер акталып, Кудай буйруса жакшы түшүм берсин!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде колдонуучу (Катталган: , коноктор: ) бул кабарды окуду:

Кабарлардын саны:
195263;
 
Маалымат-маанайшат порталы
2006-2025 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
p
Рейтинг@Mail.ru
Биз социалдык тармактарда: