Кара-Көлдө балык уулап жүрүп сууга чөгүп кеткен экинчи жарандын жансыз денеси табылды

Кара-Көлгө балык уулаганга кетип 19 күндөн бери дайынсыз болуп жаткан экинчи жарандын жансыз денеси табылды. Бул тууралуу бүгүн, 24-февралда Өзгөчө кырдаалдар министрлигинен билдиришти. 

Маалыматка ылайык, 24 жаштагы Нуркалый Юсупбековдун денеси 22-февралда 25 метр тереңдиктен табылган. Анын денеси туугандарына өткөрүлүп берилди. 

Эске салсак, 4-февраль күнү саат 17:00 чамасында Бишкек-Ош унаа жолунун 395-чакырымында Нарын дарыясына 3 адам кайык менен балык уулаганы чыккан. Кайык оодарылып, 2 адам чөгүп, 1 адам тирүү калган. Изделип жаткан жаран менен бирге сууга чөккөн 23 жаштагы Нурбек Бекташовдун  жансыз денеси 9-февраль күнү саат 14:30 чамасында табылып, туугандарына өткөрүлүп берилген.