Бишкек-Торугарт унаа жолун оңдоону бүтүрүүгө багытталган мыйзам долбоорун тармактык комитет жактырды

Парламенттин Транспорт, коммуникация, архитектура жана курулуш комитети 24-февралда Бишкек-Торугарт унаа жолун оңдоону каржылоо боюнча кыргыз өлкөсү менен Азия өнүктүрүү банкынын ортосундагы макулдашууну ратификациялоо тууралуу мыйзам долбоорун карады. 

Транспорт жана коммуникация министри Калыкбек Султановдун билдиришинче, Бишкек-Нарын-Торугарт унаа жолунун 479-539-чакырымдарын оңдоого (оңдоо иштери 2013-жылы башталган) аталган банк 55 миллион доллар бөлгөн. Иштердин негизги көлөмүн 2015-жылы бүтүрүү пландалган, бирок бийик тоолуу аймактагы катаал шартты эске алганда жана жолдун сапаттуу курулушу үчүн кошумча иштерди аткаруу сунушу киргизилгени айтылды. 

Мыйзам долбоору комитеттен колдоо тапты.