Бишкекте керектөөчүлөрдүн сапатсыз азыктарга каршы акциясы башталды

Бүткүл дүйнөлүк керектөөчүлөрдүн укугун коргоо күнүнө (15-март) карата борбордо сапатсыз азыктар сатылган жерлерди аныктоо акциясы башталды. Мындай маалыматты бүгүн, 25-февралда Бишкек шаарынын мэриясынын басма сөз кызматы билдирди. 

Ага ылайык, иш-чаранын максаты - сапатсыз же сактоо мөөнөтүнөн өтүп кеткен азык-түлүктөрдүн мыйзамсыз сатылышына жол бербөө. Акциянын жүрүшүндө керектөөчү бузулуп кеткен азык-түлүктүн кайсы бир жерде сатылып жатканын байкаса, бул тууралуу анын кайсы жерде сатылып жатканын сүрөткө же видеого тартып бериши керек. Жыйынтыгында чогулган маалыматтар тиешелүү адамдар тарабынан анализделип, мыйзамды бузган ишкерлерге карата чаралар көрүлөт.