Депутаттар Бишкектеги Медициналык академиянын жетекчилигинин жоопкерчилигин кароону талап кылышууда

Бүгүн, 26-февралда парламент жыйынында депутат Максат Сабиров И.Ахунбаев атындагы Кыргыз мамлекеттик медициналык академияга байланыштуу маселени көтөрдү. 

"Акыркы 2 аптадан бери аталган жогорку окуу жайы боюнча абдан чоң маселелер көтөрүлүп жатат. Өткөн аптада академиянын кызматкерлеринин журналисттерди мекемеден кууп чыккандыгы бардык телеберүүлөрдө көрсөтүлдү. Кечээ активисттер абитуриенттерди мыйзамсыз кабыл алуу боюнча окуу жайдын ректорун сынга алышты. Медициналык академия мамлекет ичинде мамлекет болуп калганбы? Өкмөт буга чара көрүшү керек",- деди депутат.