Депутаттар өкмөттү отставкага кетирүүнү демилгелешти

Бүгүн, 26-февралда парламент жыйынында депутат Максат Сабиров "Кумтөр" боюнча өкмөттүн бир жыл ичиндеги ишмердүүлүгүнө баа берип, өкмөттү отставкага кетирүүнү талап кылды. "Өкмөт 1 жылдан бери "Кумтөр" маселеси боюнча бир чечимге келе элек. Мындан улам ага канааттандырарлык эмес баа беребиз",- деди Сабиров.

Мындай сунушту депутат Анарбек Калматов да колдой турганын билдирди. "Өкмөт маселени чечүүгө 1 ай убакыт сурап жатат, 1 айда эмне өзгөрөт? Өкмөттү кетирүү маселесин көтөрүүнү сунуштайм, сунушум добуш берүүгө коюлсун",- деди депутат.