Каныбек Иманалиев: "Жаныш Бакиевди кайтарып берүү боюнча президенттин билдирүүсү колдоого аларлык"

"Жаныш Бакиевди кармоо жана кайтарып алуу боюнча Тышкы иштер министрлигинин жана президент Алмазбек Атамбаевдин позициясы колдоого аларлык". Муну парламенттин Эл аралык иштер комитетинин 2-марттагы жыйынында депутат Каныбек Иманалиев билдирди. Депутаттар Беларусту Минск конвенциясы жана Укуктук жардам конвенциясындагы милдеттенмелерин аткартууга көмөктөшүү боюнча Жамааттык коопсуздук келишим уюмуна жана Европа кеңешинин Парламенттик ассамблеясына кайрылууга даяр экенин кошумчалады Иманалиев.