Ибрагим Жунусов менен Түркиянын Невшехир шаарынын мэри кызматташтыкты бекемдөөнү талкуулашты

Кыргыз Республикасынын Түркиядагы элчиси Ибрагим Жунусов өткөн аптанын аягында Түркиянын Невшехир провинциясынын губернатору Мехмет Жейлан жана Невшехир шаарынын мэри Хасан Унвер менен жолугушту. ТИМдин маалымат кызматынын 2-мартта билдиришинче, жолугушууда маданий-гуманитардык, соода-экономикалык, туристтик байланышты мындан ары бекемдөө тууралуу пикир алышуу болду. Мындан тышкары өлкөлөрдүн облус жана шаарларынын ортосунда байланыш түзүү маселеси талкууланды.